Qazaqstanda 2023 jylǵa deıin ekonomıkalyq belsendi halyqtyń eleýli ósimi bolmaıdy - T. Dúısenova

ASTANA. QazAqparat - Qazaqstanda 2023 jylǵa deıin ekonomıkalyq belsendi halyqtyń eleýli ósimi bolmaıdy. Bul týraly QR Prezıdenti janyndaǵy Adam quqyqtary jónindegi komıssııasynyń keńeıtilgen otyrysynda QR Densaýlyq saqtaý jáne áleýmettik damý mınıstri Tamara Dúısenova málim etti.

Onyń sózine qaraǵanda, qazirgi kezde eńbek naryǵyna 90- shy jyldary týǵan jastar kelýde. Sol kezeńde týý kórsetkishi elimiz boıynsha tómendegen bolatyn.

«2013-ten bastap 2023 jyl aralyǵynda bizde ekonomıkalyq belsendi halyqtyń eleýli ósimi bolmaıdy. Eger de 2011-2012 jyldar kezeńinde bizde jyl saıyn 18 jasqa tolǵan 200 myń jańa eńbek resýrstary bolsa, al bıyl tek 70 myń ǵana»,-dedi T. Dúısenova.

Mınıstr osy kezeńde eńbek naryǵynda jańa jumys kúshiniń tolqynyna baılanysty eleýli áser bolmaıtyndyǵyn atap ótti.

«Bul baǵyttaǵy saıasat jumys kúshteriniń sapasyn arttyrý men jumys oryndaryn saqtap qalýǵa negizdeledi»,-dedi T. Dúısenova.