Qazaqstanda 2020 jyly dopty hokkeıden jastar arasyndaǵy álem chempıonaty ótedi
ASTANA. QazAqparat - Qazaqstanda 2020 jyly dopty hokkeıden jastar arasynda (jasy 21-den aspaǵan) álem chempıonatyn ótkizedi. Bul týraly QazAqparat TASS agenttigine silteme jasaı otyryp habarlaıdy.
Dopty hokkeı halyqaralyq federatsııasynyń (FIB) tehnıkalyq komıtet múshesi Sergeı Mıaýstyń aıtýynsha, FIB Kongresi jeksenbide Shvetsııadaǵy Venersborgte bolǵan. Ol qalada qazirgi ýaqytta dopty hokkeıden eresekter arasyndaǵy álem chempıonaty ótip jatyr.
«Kongreste 2020 jyly jastar arasyndaǵy álem chempıonaty Qazaqstanda ótetindigi týraly sheshim qabyldandy. Sondaı-aq, 2020 jyly Arhangelsk qalasynda U-15 Álem chempıonaty uıymdastyrylsa, U-17 Shvetsııanyń Mýtala qalasynda, U-19 fındik Varkaýsta ótedi. Áıelder arasyndaǵy álem chempıonaty Drammende (Norvegııa) bolady, al erler arasyndaǵy álem chempıonaty Irkýtskide uıymdastyrylady. Mamyr aıynda FIB tehnıkalyq komıteti tıisti máselelerdi talqylap, daıyndyqty bastaıdy», - dedi Mıaýs.
Aıta ketsek, U-21 álem chempıonaty 2017 jyly Shvetsııada uıymdastyrylyp, aqtyq kezeńde alań ıeleri Reseı quramasynan basym túsken bolatyn.
