Qazaqstanda 2020 jylǵa qaraı jınaqtalǵan qaldyqtardyń kólemi edáýir azaıady dep kútilýde

Bul týraly búgin Parlamentte «Qazaqstan Respýblıkasynyń keıbir zańnamalyq aktilerine ekologııalyq máseleler boıynsha ózgertýler men tolyqtyrýlar engizý týraly» Zań jobasyn tanystyrǵan Qorshaǵan ortany qorǵaý mınıstri Nurǵalı Áshimov málim etti.

Zańnamalyq bazanyń jetilmeýinen búgingi kúni kásiporyndarǵa qaldyqtardy kádege jaratýdan nemese qaıta paıdalaný sharalaryn qabyldaýdan góri olardy ornalastyrýǵa aqy tóleý ońaı ekendigin basa aıtqan mınıstr: «Kásiporyndardyń materıaldyq jaýapkershiligi joq. Zalaldar úshin ótemaqy tólemeıdi. Qaldyqtar kólemin azaıtý jáne olardyń áserin tómendetý boıynsha sharalar qabyldamaıdy. Osyǵan oraı zań jobasynda qaldyqtardy óńdeýdi jáne qaıta paıdalanýdy nemese olardyń túzilýin azaıtýdy yntalandyratyn ekonomıkalyq tetikter qamtyldy», - dedi ol.

Mınıstrdiń atap ótýinshe, bul úshin Salyq kodeksine jınaqtalǵan qaldyqtardyń barlyq kólemi úshin qosymsha tólemaqylar engizý usynylady. Kásiporyndar qaldyqtardy basqarý baǵdarlamasyn ázirlep, ony mınıstrlikte bekitýge mindetti bolady. Sonymen qatar kásiporyndar baǵdarlamany ázirleý jáne oryndaý kezeńderinde kózdelgen tólemaqylardan bosatylady. Al bul erejeler zań jobasymen 2013 jylǵy 1 qańtardan bastap engiziledi. ıAǵnı kásiporyndarǵa óz baǵdarlamalaryn daıyndaýǵa jáne negizdeýge ýaqyt jetkilikti. Jalpy zań jobasynyń maqsaty - bıýdjet toltyrý emes, kásiporyndardy qaldyqtaryn joıý týraly sheshimderdi izdeýge yntalandyrý bolyp otyr. «Osyndaı tetikterdi engizý arqyly Qazaqstanda 2020 jylǵa qaraı jınaqtalǵan qaldyqtardyń kólemi edáýir azaıady dep kútilýde. Bundaı qatań sharalardyń arqasynda «Teńizshevroıl» kompanııasynda jınaqtalǵan kúkirttiń kólemin azaıtýǵa jáne artýyn toqtatýǵa qol jetkizildi»,- dedi N.Áshimov.