Qazaqstanda 2020 jylǵa deıingi Ulttyq biliktilik júıesin kezeń-kezeńimen ázirleý josparlanýda
ASTANA. 12 jeltosqan. QazAqparat - Búgin QR Eńbek jáne halyqty áleýmettik qorǵaý mınıstrliginde keńeıtilgen alqa májilisi ótip,
onda eńbek daýlaryn retteý men sheshý jónindegi áleýmettik seriktestik ınstıtýty máseleleri qarastyryldy, dep habarlady atalǵan vedomstvonyń baspasóz qyzmetinen.
«Qazaqstanda 2020 jylǵa deıingi Ulttyq biliktilik júıesin kezeń-kezeńimen ázirleý jospary engiziletin bolady. Onyń aıasynda ekonomıkalyq jumystyń barlyq túrleri boıynsha kásibı standarttardy ázirleý kózdelýde», - delingen habarlamada.
2013 jyldan bastap eńbek zańnamalary negizderi boıynsha quqyqtyq saýattylyq deńgeıin arttyrý maqsatynda jalpyǵa birdeı quqyqtyq oqytýdy uıymdastyrý jóninde sharalar qabyldaý josparlanýda. Sonymen qatar áleýmettik jańǵyrtý maqsattaryna saı, kásipodaqtardyń quqyqtary men mindetterin naqtylaý maqsatynda kásipodaqtar týraly zańnamalar jetildiriletin bolady.
Qazirgi kezde áleýmettik shıryǵýlardyń aldyn alýdyń jáne áleýmettik-eńbek daýlaryn sheshýdiń birqatar normatıvtik-quqyqtyq, uıymdastyrýshylyq-tehnıkalyq jáne aqparattyq baǵyttaǵy basym sharalary engizilgen keshendi jospary ázirlenip, qabyldanǵan.
