Qazaqstanda 2020 jylǵa deıin barlyq turǵyn úılerde jylýdy esepke alý quraly ornatylady

ASTANA. QazAqparat - Qazaqstanda taıaý 5 jylda barlyq turǵyn úıler jylýdy esepke alý quralymen jaraqtalady. Bul týraly QR Tabıǵı monopolııalardy retteý jáne básekelestikti qorǵaý komıtetiniń tóraǵasy Serik Jumanǵarın Ortalyq kommnıkatsııa qyzmetindegi brıfıngte málim etti.

«Aspap ornatý máselesi búginde asa mańyzdy. Jylý energııasyn únemdeý maqsatynda esepke alý quraly boıynsha qyzmetterdi tutynýdy esepke alýdy qamtamasyz etetin tıisti tetik ázirlendi. Bul jumys taıaý bes jylda aıaqtalady dep josparlanýda», - dedi jýrnalısterdiń suraqtaryna jaýap bergen S. Jumanǵarın. Onyń aıtýynsha, qazirgi ýaqytta ártaraptandyrylǵan tarıfter eldiń kóp bóliginde ıaǵnı, Qazaqstannyń 11 óńirinde: Astana, Almaty qalalary men Aqmola, Atyraý, Jambyl, Qostanaı, Mańǵystaý, Qyzylorda, Pavlodar, Ońtústik Qazaqstan oblystarynda qoldanylady. «Búginde aspaptarmen jabdyqtaý el boıynsha 43,6 paıyzdy quraıdy. Bul rette Astanada 99,84 paıyz qamtylǵan», - dep naqtylady ol.