Qazaqstanda 2020 jylǵa deıin 30 myń shaqyrym jol jóndeledi
ASTANA. QazAqparat - Qazaqstanda 2020 jylǵa deıin 30 myń shaqyrym avtojol jóndeýden ótedi. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda QR Kólik jáne kommýnıkatsııalar mınıstri Asqar Jumaǵalıev málim etti.
«Birneshe apta buryn Memleket basshysy kólik ınfraqurylymyn damytýdyń 2020 jylǵa deıingi memlekettik baǵdarlamasyn bekitti. Bul elimizdiń kólik ınfraqurylymyn damytýdyń alǵashqy keshendi jospary», - dedi mınıstr. Onyń sózine qaraǵanda, memlekettik baǵdarlamaǵa sáıkes, 2020 jylǵa qaraı Qazaqstan arqyly ótetin tranzıttik tasymal kólemi 2 esege, 2050 jylǵa qaraı 10 esege artpaq. Sonymen qatar A.Jumaǵalıev «Batys Eýropa-Batys Qytaı» kólik dálizi men ortalyqtan óńirlerge baǵyttalǵan úsh jobanyń qurylysy basymdyqqa ıe bolyp qalatynyn atap ótti.
