Qazaqstanda 2018 jyly rekordtyq deńgeıde munaı óndirildi
«2018 jyl - elimizdiń otyn-energetıka kesheni salasynda rekordtyq kórsetkishimen este qaldy. Tolyǵyraq aıtqanda, bıyl elimizde 90 mln tonna munaı men 55 mlrd tekshe metr gaz óndirildi», - dedi energetıka vıtse-mınıstri Sábıt Nurlybaı Qazaqstandaǵy ekologııalyq jaýapkershilik boıynsha munaı-gaz kompanııalarynyń reıtıngin jarııalaý saltanatynda.
Aıta keterligi, 2017 jyly munaı óndirisiniń kólemi 86,2 mln tonnaǵa jetip, onyń aldyndaǵy jylǵa qaraǵanda 10,5 paıyz ósimdi kórsetken edi. Osy kórsetkishtiń arqasynda elimiz Іshki jalpy ónimniń mólsherin 4 paıyzǵa ósirý múmkindigine qol jetkizgen edi.
Vıtse-mınıstr Sábıt Nurlybaı sonymen qatar, Qazaqstan Respýblıkasyndaǵy Ekologııalyq kodekstiń mańyzyn arttyrý sharýasy da júrgizilip jatqanyn tilge tıek etti.
«Ekologııalyq kodekske engiziletin ózgerister boıynsha ekologııalyq strategııalyq baǵalaý júıesi engiziledi. Bul óte mańyzdy baǵyt. Tórtinshi munaı óńdeý zaýyty turǵyzylǵaly jatqandyqtan, bul qadam bizdiń ekologııaǵa qalaı áser etetinin bilýimiz kerek», - deıdi ol.
Eske sala ketsek, buǵan deıin Qazaqstandaǵy ekologııalyq jaýapkershiligi boıynsha túzilgen munaı-gaz salasyndaǵy kompanııalarynyń reıtıngi jarııalanǵanyn habarlaǵan bolatynbyz.
