Qazaqstanda 2018 jyly ónerkásip óndirisi 4,1 paıyzǵa ósti
ASTANA. QazAqparat - Qazaqstanda 2018 jyldyń qańtary men jeltoqsany aralyǵynda ónerkásip óndirisiniń kólemi 4,1 paıyzdyq ósimdi kórsetti, dep habarlaıdy QazAqparat tilshisi QR Ulttyq ekonomıka mınıstrligi statıstıka komıtetine silteme jasap.
2018 jylǵy kórsetkish boıynsha 2017 jylmen salystyrǵanda shıki munaı, tabıǵı gaz jáne metall kenderiniń óndirisi ulǵaıǵan. Tamaq ónimderi, temeki buıymdary, munaı óńdeý men hımııalyq ónerkásip ónimderi, rezeńke jáne plastmassa buıymdarynyń óndirisi, metallýrgııa ónerkásibi jáne kólik jasaý ónimderi óndirisiniń kólemi ósken. Al qara metallýrgııa ónimderiniń óndirisi tómendegen.
Atap aıtqanda, esep berilip otyrǵan kezeńde gaz kondensatyn qosa alǵanda munaı óndirý kólemi 90,4 mln tonnany (2017 jylmen salystyrǵanda 4,8 paıyzǵa artqan), mys keniniń óndirisi - 103,2 mln tonnany (+ 8,6 paıyzǵa) quraǵan. Benzın óndirisi 4 mln tonna (+ 29,8 paıyz), gaz óndirisi 4,7 mln tonnalyq (+ 7,4 paıyz) deıgeıge jetken. Al jazyq bolat óndirisiniń kólemi 2,5 mln tonnaǵa jetse (-10,5 paıyz), tazartylǵan mys - 0,4 mln tonnany (+ 2,8 paıyz), portlandtsement 9,9 mln tonna (+ 5,5 paıyz), elektr qýaty - 107,1 mlrd KVt/saǵ (+ 3,8 paıyz) jáne un - 4 mln tonnany (+ 0,7 paıyz) kórsetken.
Ónerkásiptik ónimderdiń óndiris kóleminiń ósýi respýblıkanyń 14 óńirinde baıqalyp otyr.
