Qazaqstanda 2017 jylǵy Armııalyq halyqaralyq oıyndar bastaldy
Bul týraly QR QM baspasóz qyzmeti habarlady.
Jyl ótken saıyn Oıyndar jetildirilip, oǵan qatysýshylardyń geografııasy da keńeıip kele jatqanyn atap ótken jón. Bul elder arasyndaǵy dostastyq qarym-qatynastardyń nyǵaıýy jáne áskerı saladaǵy yntymaqtastyq, sondaı-aq áskerı qyzmetshilerdiń jaýyngerlik daıarlyq jáne kásibı sheberlik deńgeıiniń artý faktory bolyp otyr.
«Armııalyq halyqaralyq oıyndardy ótkizý shynaıy jaýyngerlik baýyrlastyq pen adamı dostyqtyń negizi bolyp tabylady jáne Elbasy - Qazaqstan Respýblıkasy Qarýly Kúshteriniń Joǵarǵy Bas qolbasshysy tarapynan laıyqty qoldaý taýyp keledi. Armııalyq oıyndar kólemdi álemdik sporttyq birinshilikterden esh aıyrmasy joq, halyqaralyq aýqymdaǵy iri is-shara. Biz úshin ony eń joǵary deńgeıde Qazaqstanda ótkizý úlken abyroı», - dedi QR Qorǵanys mınıstri general-polkovnık S. Jasuzaqov.
Armııalyq halyqaralyq oıyndardyń ashylý baǵdarlamasyna sáıkes, qazaqstandyq barabanshylar men dombyrashylar jáne qazirgi zamanǵy jaýyngerlik tehnıkanyń («Arlan» brondy-dóńgelekti mashınalary, «T-72 B» tankteri) súıemeldeýimen QR QM áskerı orkestri óner kórsetti. Desantshylar rotasynyń oryndaýynda kópshilikke qarýmen qol jekpe-jegi urysynyń kórsetilimi usynyldy. Qazaqstan áskeriniń jaýyngerlik ushaqtary men tikkushaqtary pılotajdyq tobynyń áýe shoýy armııalyq oıyndardyń ashylýynyń sharyqtaý shegi bolǵanyn atap ótý kerek. Armııalyq halyqaralyq oıyndar sheńberindegi «Artıllerııalyq atys sheberi», «Mergendik shebi» jáne «Ushqyshsyz ushý apparattary eseptoptarynyń jarysy» baıqaýlary Qazaqstanda 1-9 tamyz aralyǵynda ótedi. Jarystarǵa qatysý úshin elimizge álemniń 18 elinen 28 komandanyń quramynda 400-deı áskerı qyzmetshi keldi. Oıyndar Qazaqstan Respýblıkasy Qorǵanys mınıstrliginiń saıty men «Kazsport» telearnasynan kórsetiletin bolady. 
