Qazaqstanda 2016 jyly transulttyq kompanııalar 5 ınvestjobany júzege asyrmaq
ASTANA. QazAqparat - Qazaqstanda 2016 jyly transulttyq kompanııalar 5 ınvestjobany júzege asyrmaq.Bul týraly Ortalyq kommýnıkatsııalar qyzmetinde ótken brıfıngte QR Investıtsııalar jáne damý mınıstrligi Investıtsııalar komıtetiniń tóraǵasy Erlan Haırov málim etti.
«Sizder bilesizder, bizdiń elde 30 joba iske asty. Taǵy 20 joba boıynsha kelissózder júrip jatyr. Qazaqstanda 2016 jyly transulttyq kompanııalardyń qatysýymen 5 ınvestjoba júzege asyrylady dep josparlanǵan», - dep atap ótti ol.
Onyń sózi boıynsha, qabyldanǵan sharalardyń aıasynda elimizde keminde 8 óndiris ashylady.
«Biz mańyz berip otyrǵan baǵyttardyń biri - qaıta ınvestıtsııalaý. Taldaý kórsetip otyrǵanyndaı, bizdiń elge tartylǵan ınvestıtsııalardyń 60 paıyzy elde burynnan istep kele jatqan ınvestorlardan kelip otyr. Bizdiń qaraýymyzda 40 osyndaı bastama bar. 2015 jyly olardyń 6 jobasy júzege asty. Ol jańa óndirister ashqan Danone, Lotte Group, BTM, Galaksi, Coca-Cola syndy kompanııalar. Bizdiń josparymyzsha, 2016 jyly keminde 8 osyndaı joba ashylýy tıis»,- dep atap ótti komıtet basshysy.
