Qazaqstanda 2016 jyly stýdentterdi jataqhanamen qamtý 80 paıyzǵa jetedi - QR BǴM
ASTANA. QazAqparat - QR Bilim jáne ǵylym mınıstrliginde stýdentter jataqhanasyn salýǵa arnalǵan baǵdarlama jasap shyǵarylǵan. Sol boıynsha 2016 jylǵa deıin stýdentterdiń 80 paıyzy baspanamen qamtylady dep josparlanyp otyr. Bul týraly búgin Ortalyq kommýnıkatsııalar qyzmetinde ótken brıfıngte QR Bilim jáne ǵylym vıtse-mınıstri Tahır Balyqbaev aıtty.
Onyń aıtýynsha, elimizde búginde barlyq stýdentterdiń 60 paıyzy jataqhanamen qamtamasyz etilgen. «Búginde Qazaqstanda jataqhanada turǵysy keletinderdiń 60 paıyzy qamtylǵan. Biraq biz bul kórsetkishti jetkilikti dep eseptemeımiz. Sondyqtan Mınıstrlik stýdentterdi jataqhanamen qamtýdyń arnaıy baǵdarlamasyn ázirlep, birneshe jyl boıy sol jospar boıynsha jumys jasap kelemiz», - dep atap ótti vıtse-mınıstr.
Atalǵan baǵdarlama boıynsha bıyl Qazaqstanda 7 jataqhana paıdalanýǵa beriledi dep josparlanǵan. «Bıyl 3 jataqhanany tapsyryp qoıdyq dep aıtýǵa da bolady. Al qalǵan tórteýin jyl sońyna deıin qoldanysqa beremiz. Kelesi jyly 11 jataqhananyń qurylysy bastalady. Mundaǵy bizdiń maqsatymyz 2016 jylǵa qaraı stýdentterdiń 80-ge jýyq paıyzyn jataqhanamen qamtamasyz
etý bolyp otyr. ıAǵnı, bıýdjetten osyǵan jetkilikti qarajat bólingen», - dedi T. Balyqbaev.
