Qazaqstanda 2016 jylǵa deıin bala týý deńgeıi joǵary bolady - Elbasy
ASTANA. 5 qyrkúıek. QazAqparat - Qazaqstanda 2016 jylǵa deıin bala týý deńgeıi joǵary bolady. Bul týraly búgin Astanadaǵy Nazarbaev Ýnıversıtetinde ınteraktıvtik dáris oqyǵan Qazaqstan Respýblıkasynyń Prezıdenti Nursultan Nazarbaev aıtty.
«Búginde qazaqstandyqtar jas, serpindi ult. Bizdiń azamattarymyzdyń ortasha jasy 35 jastan aspaıdy. 2005 jyly bastalǵan demografııalyq jarylys boljam boıynsha 2016 jylǵa deıin jalǵasady. Balalar sany ótken jyldarǵa qaraǵanda 1,5 ese kóp bolady. Qazaqstanda ótken jyly birinshi synypqa 10 myń bala, al osy jyly 12 myń bala bardy. ıAǵnı, ult jas ári halyqtyń tabıǵı ósýi jolymen kóbeıip kele jatyr», - dedi Memleket basshysy.
QR Prezıdentiniń paıymynsha, mine osy balalar Qazaqstannyń bolashaǵynyń negizin qalaıtyn bolady. Qazirdiń ózinde olardyń tolyqqandy damýy úshin barlyq jaǵdaıdy jasaý qajet.
«Ózderińiz biletindeı, Qazaqstan halqy Assambleıasynyń 19-sessııasynda men memlekettik jastar saıasatyn kúsheıtý týraly tapsyrma bergen edim. Qazirgi ýaqytta Jastar isi komıteti quryldy. Barlyq óńirlerde Jastar isi jónindegi basqarmalar qurylýda. 2020 jylǵa deıingi jastar saıasaty jónindegi tujyrymdama ázirlený ústinde», - dedi N.Nazarbaev.
Osy rette Memleket basshysy jas qazaqstandyqtar azamattyq tek qana quqyq emes, eń bastysy ózi úshin, otbasy jáne ortaq Otanymyz - Qazaqstan úshin uly jaýapkershilikte ekendigin este saqtaýy qajet.
