Qazaqstanda 2016-2017 jyldarda baspana qurylysy kóleminiń tómendeýi yqtımal
ASTANA. QazAqparat - Qazaqstannyń Qurylys salýshylar qaýymdastyǵynyń músheleri 2016-2017 jyldarda baspana qurylysy kóleminiń tómendeýin boljap otyr.
Bul týraly búgin Astanada ótken baspasóz máslıhatynda atalǵan qaýymdastyqtyń atqarýshy dırektory Aslan Túkıev málim etti.
Onyń sózine qaraǵanda, buǵan jańa jobalardyń bolmaýy yqpal etedi.
«Qurylysshylar jańa jobalardy bastamaı otyr. Osyndaı jaǵdaıda jańa jobany bastaý táýekel sharalar bolýda. Naryqtaǵy aýytqýlardy kóre otyryp, árıne, eshkimdi bastamaıdy. Sondyqtan da kólemder boıynsha baspanany paıdalanýǵa berýde tómendeý bolatyny anyq. Biz birtindep jylyna 7 mln. sharshy metrge, al keıin 6 mln. sharshy metrge ótemiz»,-dep túıdi qaýymdastyq basshysy.
Esterińizge sala keteıik, Qazaqstannyń Qurylys salýshylar qaýymdastyǵynyń músheleri salynyp jatqan turǵyn úı keshenderiniń qurylysyn aıaǵyna deıin jetkizetinderine ýáde bergen bolatyn.
