Qazaqstanda 2015 jyly dzıýdodan álem chempıonaty ótedi
ASTANA. 26 qyrkúıek. QazAqparat - Eresekter arasynda dzıýdodan álem chempıonaty 2015 jyly Astanada ótedi, dep habarlaıdy Vesti.kz.
Mundaı sheshim 25 qyrkúıek kúni halyqaralyq dzıýdo federatsııasynyń shtabynda qabyldandy.
Osyǵan baılanysty tolyq aqparat 28 qyrkúıek kúni Almatyda ótetin arnaıy baspasóz konferentsııasynda tanystyrylady. Oǵan Qazaqstan dzıýdo federatsııasynyń prezıdenti Keńes Raqyshev pen Halyqaralyq dzıýdo federatsııasynyń prezıdenti Marıýs Vızer qatysady.
Jalpy baspasóz máslıhaty 27 qyrkúıek kúni Almatyda bastalatyn Gran-prı serııasyna jatatyn bedeldi týrnırge arnap ótkiziledi. Jarys Balýan Sholaq atyndaǵy Sport saraıynda 29 qyrkúıek kúni aıaqtalady. Oǵan álemniń myqty degen dzıýdoshylary qatysady.
