Qazaqstanda 2015 jyly 397 myńnan astam náreste dúnıe esigin ashty
ASTANA. QazAqparat - 2015 jyly Qazaqstan Respýblıkasynda AHAT organdarymen 397 634 týǵandar tirkeldi, sonyń ishinde qalalyq mekenderde - 225 383 adam, aýyldyq - 172 251 adam. Týǵandardyń 51,5%(204 868) er balalardy jáne 48,5%(192 766) qyz balalardy qurady.
QR UEM Statıstıka komıtetiniń derekterine qaraǵanda, 100 qyz balaǵa shaqqanda 106,3 er baladan kelip otyr.
2005 jylmen salystyrǵanda týǵandar sany 42,5% (er balalar - 42,7%, qyz balalar - 42,3%), qalalyq mekenderde - 37,5%, aýyldyq mekenderde - 49,7% artty.
Týýdyń jalpy koeffıtsıenti (1 000 turǵynǵa shaqqandaǵy týǵandar sany) 2015 jyly 22,66 promılleni qurady jáne 2005 jylmen salystyrǵanda 4,24 promıllege (2005j. - 18,42) artty. Qalalyq mekenderde osy kórsetkish 22,61 promılleni (2005j. - 18,94), aýyldyq mekenderde - 22,73 promılleni (2005j. - 17,72) qurady.
Qazaqstan óńirleriniń ishinde týýdyń eń joǵary deńgeıi Mańǵystaý (1 000 turǵynǵa shaqqanda 31,25 týǵandar), Ońtústik Qazaqstan (29,00) oblystarynda jáne Astana qalasynda (30,23) baıqaldy. Eń tómengi kórsetkish Soltústik Qazaqstan (14,23), Qostanaı (14,44) jáne Shyǵys Qazaqstan (16,37) oblystarynda kórinis tapty.
Barlyq urpaqty bolý kezeńinde (15-49 jas) bir áıeldiń orta eseppen alǵanda dúnıege ákelgen balalarynyń sanyn kórsetetin týýdyń jıyntyq koeffıtsıenti (TJK) 2015 jyly 2,73 qurady jáne 10 jyl ishinde 23,0% ósti (2005j. - 2,22). Qalalyq mekenderde TJK 16,7%, (2015j. - 2,52; 2005j. - 2,16), aýyldyq mekenderde 31,8% ósti (2015j. - 3,07; 2005j. - 2,33).
Eldiń óńirleri boıynsha eń joǵary TJK Mańǵystaý (3,75), Ońtústik Qazaqstan (3,68) oblystarynda, al tómen deńgeıleri Almaty qalasy (1,74) men Qostanaı (1,78) oblysynda baıqaldy.
2015 jyly áıelderdiń bala týý kezindegi ortasha jasy 28,2 jasty qurady jáne 10 jylda 0,5 jasqa (2005j. - 27,7 jas) ulǵaıdy, al qalalyq mekenderde - 0,9 jasqa, aýyldyq mekenderde 0,1 jasqa ulǵaıdy.
Qazaqstannyń birneshe óńirlerinde bala týý kezindegi áıelderdiń ortasha jasy ortasha respýblıkalyq deńgeıden joǵary boldy. Mysaly, osy kórsetkish Almaty qalasynda 30 jasty, Astana qalasynda 28,9 jasty qurady.
