Qazaqstanda 2015 jyldyń 1 qańtarynan bastap kólik quralyn tirkeý týraly jańa kýálikter beriledi
ASTANA. QazAqparat - Qazaqstanda 2015 jyldyń 1 qańtarynan bastap kólik quralyn tirkeý týraly jańa kýálikter beriledi. Bul týraly QR Іshki ister mınıstriniń orynbasary Erlan Turǵymbaev aıtty.
«Naqtyraq aıtqanda, bul jańa málimetter keltiriletin joldary bar jańa tehnıkalyq tólqujat bolmaq. Sonymen qatar, onda 3 jańashyldyq bolady. Qujatqa VIN-kod, ıaǵnı avtokólik quralyn ıdentıfıkatsııalaý nómiri, eń alǵashqy tirkeý datasy jáne kólik quralyn shyǵarýshy el engiziledi. Buǵan qosa, kólik qondyrǵysynyń nómiri týraly málimetter alynyp tastalady», - dedi E. Turǵymbaev.
Onyń aıtýynsha, VIN-kod arqyly avtokólik shyǵarylǵan eldi, kóliktiń ıesi kim ekenin jáne kólik quralynyń qandaı jol-kólik oqıǵalaryna qatysy bar ekenin bilýge bolady. «Mundaı ıdentıfıkatsııalyq nómir elimizde buryn-sońdy bolǵan emes. Biraq bıyl biz osy nómirdi elimizdegi barlyq kólik quraldaryna engizemiz», - dedi vıtse-mınıstr. Degenmen, E. Turǵymbaevtyń aıtýynsha, atalǵan baǵyt boıynsha jumystar ázirge testik rejımde júrgizilip jatyr. Qazirgi ýaqytta kólik quralyn tirkeý týraly kýáliktiń úlgisi daıyndalǵan. «Jańa tehnıkalyq qujattardy 2015 jyldyń qańtar aıynda bere bastaımyz. Qazir jumystar testik rejımde júrip jatyr, alǵashqy úlgiler qolymyzda bar. Meniń oıymsha, qańtardyń sońyna deıin olardy bere bastaımyz», - dep qorytyndylady ol. Aıta keteıik, QR ІІM málimetteri boıynsha, 2014 jyldyń 1 qańtaryndaǵy kórsetkishke sáıkes Qazaqsanda 4 mln. 365 myń 93 avtokólik tirkeýde turǵan. Al bıyl ǵana (25 jeltoqsanǵa deıin) osy kórsetkishtiń ústine taǵy 952 myń 407 avtokólik qosylǵan.
