Qazaqstanda 2014 jyly memlekettik tapsyryspen oqyǵan tehnıkalyq jáne kásiptik bilim túlekteriniń 77%-y jumysqa ornalasty

ASTANA. QazAqparat - Qazaqstanda 2014 jyly memlekettik tapsyrys boıynsha oqyǵan tehnıkalyq jáne kásiptik bilim berý oqý oryndarynyń jumysqa ornalasqan túlekteriniń úlesi 15 paıyzǵa ósip, 77%-ǵa jetti. Bul týraly QR Investıtsııalar jáne damý mınıstriniń orynbasary Erlan Saǵadıev málim etti.

«Bilim jáne ǵylym mınıstrligi ÚIID-1 boıynsha bilikti kadrlarmen qamtamasyz etý jónindegi maqsatty ındıkatorlardy júzege asyrýǵa qol jetkizildi, naqtylap aıtqanda, zamanaýı jabdyqtarmen jaraqtanǵan oqý oryndarynyń úlesin ulǵaıtý jospary asyra oryndaldy. Sonyń ishinde memlekettik tapsyrys boıynsha oqyǵan tehnıkalyq jáne kásiptik bilim berý oqý oryndarynyń jumysqa ornalasqan túlekteriniń úlesi 15 paıyzǵa ósip, 77%-ǵa jetti. Ekonomıkanyń ártúrli sektorlaryndaǵy basymdyqty mamandyqtar boıynsha 47 kásibı standarttar jasaý jospary júzege asyryldy», - dedi E.Saǵadıev Astanada vedomstvo alqasynda.

Ol búginde basty mindet, ásirese, óńirlerde kadrlar daıarlaý sapasyn jaqsartý ekenin atap ótti.