Qazaqstanda 2014 jyly ınnovatsııaǵa jumsalatyn qarjy ІJÓ-niń 1 paıyzyn quraıdy
Bul jaıly QazAqparat tilshisine "Ulttyq ınnovatsııalyq qor" AQ Dırektorlar keńesiniń tóraıymy Zarına Arsylanova búgin Alataý aqparattyq tehnologııalar parkinde óz jumysyn bastaıtyn «Innovatsııalyq Qazaqstan - 2020» forýmnyń aldynda málim etti.
«Buǵan deıin ár sala óz betinshe ınnovatsııalyq damýmen aınalysyp kelgen edi. Endi Údemeli ındýstrııalyq-ınnovatsııalyq damý baǵdarlamasy boıynsha Indýstrııa jáne jańa tehnologııalar mınıstrligi úılestirýshi saıasat júrgizýge kóshti. Bul búgin «Innovatsııalyq Qazaqstan - 2020» forýmy aıasynda ótetin ınnovatsııalyq jobalar kórmesinde aıqyn ańǵarylatyn bolady»,-dedi Z. Qýatqyzy.
Onyń aıtýynsha, qazir Ulttyq ınnovatsııalyq qor iri jobalardy qarjylandyrýdan grant berýge kóship jatyr. Bul kompanııalardyń ınnovatsııalyq belsendiligin kóterýge baǵyttalyp otyr. Qazirgi tańda ınnovatsııalyq jobalar negizinen qorǵanys, ǵarysh, munaı-gaz óndirý jáne óńdeý salalaryn ǵana qamtyp otyr. Bolashaqta ınfokommýnıkatsııalyq, tehnologııalar jobalaryn kórgimiz keledi. Jalpy qazirgi tańda ınnovatsııalyq damýǵa jumsalatyn qarjy jalpy ishki ónimniń 0,2 paıyzyn ǵana qurap otyr. 2010-2014 jyldarǵa arnalǵan memlekettik Údemeli ındýstrııalyq-ınnovatsııalyq damý baǵdarlamasyn júzege asyrýda bul kórsetkish 2014 jyly 1 paıyzǵa deıin ulǵaıtylmaq».
