Qazaqstanda 2014 jyly baspana salý belgilengen jospardan artyǵymen oryndaldy
«2014 jyly memlekettik baǵdarlamaǵa sáıkes barlyq qarjylandyrý kózderi boıynsha 6,9 mln. sharshy metr baspana berý josparlanǵan bolatyn. Búginde bul jumystyń qorytyndysy 7,5 mln. sharshy metrdi kórsetip otyr, bul -byltyrmen salystyrǵanda 109,8% nátıje degen sóz», - dep atap ótti ol.
Depýtattyń málimetteri boıynsha, kezekte turǵan azamattarǵa arnap jaldamaly baspana salýǵa 18,9 mlrd. teńge bólingen. Osy qarajatqa josparlanǵan 210,1 myń sharshy metr baspananyń ornyna 210,7 myń sharshy metr, ıaǵnı 3800 páter salyndy.
2014 jyly jas otbasylarǵa baspana salý úshin 17 mlrd. teńge bólingen. Bul salada 138,5 myń sh/m jyldyq jospardyń ornyna 145,9 myń sh/m baspana paıdalanýǵa berildi. ıAǵnı byltyr jas otbasylarǵa 2572 páter berildi. Turǵyn úı qurylysy jınaǵy júıesi boıynsha nesıelik baspana salýǵa 28,2 mlrd. teńge bólinip, 6096 páter qoldanysqa berildi. Jospar 161%-ǵa oryndaldy.
«Búginde bul qarqyn 2015 jyly da, 2020 jylǵa deıin de saqtalady dep otyrmyz. Sonymen qatar, qazirgi kezde óńirlerdi damytýdyń 2020 jylǵa deıingi baǵdarlamasy jasalǵan. Onda kommýnıkatsııany sanamaǵanda, tek qana baspana salýǵa 887,6 mlrd. teńge qarastyrylǵan», - dep tolyqtyrdy depýtat.