Qazaqstanda 2014 jyly 1 myńǵa jýyq jetim bala páter aldy
Onyń sózine qaraǵanda, bul baǵytta jetimderdiń qarjysyn zańsyz ıemdený, balalardyń ózderine tıesili járdemaqylar men alımentterdi almaýy, sondaı-aq balalardyń baspanalyq quqyqtaryn buzý sekildi máseleler belgili boldy.
«Tekseris barysynda ókiletti organdar tarapynan keıbir kezderde balalar úılerinde tárbıelenip jatqandardyń baspanalaryn saqtap qalýdy qamtamasyz etý boıynsha qajetti sharalar qabyldanbaıtyndyǵy anyqtaldy. Bul óz kezeginde osy baspanalardy zańsyz paıdalanýǵa nemese múlikten aıyrylý jaǵdaılaryna alyp keledi»,-dedi ol.
Sonymen qatar jetimderdiń balalar úılerinen tárbıe alyp shyqqannan keıin, olardy baspanamen qamtamasyz etý problemasy ózekti bolyp otyr.
«Atap aıtqanda, Bas prokýratýranyń bastamasymen 2013 jyly birqatar normatıvtik-quqyqtyq aktiler jáne zańnamalyq aktilerge túzetýler qabyldandy. Bul óz kezeginde turǵyn úı qatynastary salasynda jetim balalarǵa qosymsha quqyqtar men kepilderdi qamtyp, sondaı-aq ókiletti organdardyń laýazymdy tulǵalarynyń jaýapkershiligin kúsheıtip otyr. Nátıjesinde osy sanatttaǵy balalarǵa memlekettik turǵyn úı qorynan birinshi kezekte baspana alý quqyǵy berildi»,-delingen habarlamada.
Osy oraıda bul quqyqty paıdalana otyryp, 2014 jyly 950-den astam jetim bala páter aldy.
