Qazaqstanda 2014 jylǵy órttik qaýipti maýsym merzimderi belgilendi
ASTANA. QazAqparat - Qazaqstanda memlekettik orman qory aýmaqtarynda órttik qaýipti maýsymnyń merzimi belgilendi. Respýblıkanyń ońtústik, batys jáne shyǵys óńirlerinde órttik qaýipti maýsym 1 sáýirden 10 qarashaǵa deıin, al soltústik aýmaqtarda 10 sáýirden 31 qazanǵa deıin sozylady.
«Orman órtterine qarsy kúres sharalarynyń qabyldanǵanyna qaramastan, Qazaqstanda jyl saıyn 600-den astam orman órtteri tirkeledi. Olardyń 60 paıyzǵa jýyǵyna adam kináli. Osyǵan oraı QR Qorshaǵan orta jáne sý resýrstary mınıstrligi ormanda órt qaýipsizdigi talaptaryn saqtaý qajettigi týraly habarlap, orman órtteriniń shyǵýyna kináli adamdardyń jaýapkershiligi jaıynda eskertedi», - delingen vedomstvo málimetinde.
Ormanda órt qaýipsizdigi erejelerin buzǵany úshin Qazaqstan Respýblıkasynyń «Ákimshilik quqyq buzýshylyq týraly» Kodeksinde 1500 aılyq eseptik kórsetkishke deıingi (2 778 000 teńge) mólsherde aıyppul salý qarastyrylǵan.
Qazaqstan Respýblıkasynyń Qylmystyq kodeksinde ormandardyń otqa saq bolmaý saldarynan órtenip ketýi nemese búlinýi úshin kináli tulǵany 2 jylǵa deıin, al ormandarǵa qasaqana órt qoıǵan adamdy 8 jylǵa deıin bas bostandyǵynan aıyrý jazasy kózdelgen.
