Qazaqstanda 2013 jyly jumys kezindegi oqys oqıǵalardan 266 adam mert boldy
ASTANA. QazAqparat - 2013 jyly Qazaqstanda jumys barysynda barlyǵy 2623 oqys oqıǵa tirkelgen. Zardap shekkenderdiń 17,0%-y áıelder bolsa, 18 jasqa deıingi jasóspirimder - 0,1%-dy qurap otyr. Bul týraly QR Statıstıka agenttigi málimdedi.
Agenttiktiń málimetteri boıynsha, 453 adam toptyq oqys oqıǵalarda zardap shekse, 465-i kásibine baılanysty kezdesetin aýrýlardan, 26-sy ýlanýdan japa shekken. Jumys kezinde araq ishken 15 adam jaraqattansa, jumysta otyryp psıhologııalyq aýytqýdan zardap shekken 1 adam tirkelgen.
Osyndaı oqys oqıǵalar kezinde 266 adam mert boldy, onyń 16-sy áıelder. Al 750 adam mertigip, 526 adam dene jaraqatyn alǵan, 356-synyń mıy shaıqalyp nemese ish qurylysy múshelerine zııan kelgen. Dene jaraqatynyń eń kóp jaǵdaıda ólimge alyp keletin túri bas jaraqaty (jaraqattyń mundaı túrinen 58 adam qaza bolǵan), keýde tusy (55).
2013 jyly mamandyqqa baılanysty aýrýlardyń eń kóp taraǵan túrleri omyrtqa zaqymdary (237 adam), bronhıt (126) jáne taǵy basqalar.
Zertteý málimetteri boıynsha, jumys barysynda eń kóp zardap shekkender 46-60 jas aralyǵyndaǵy kásibı mamandar bolyp shyqty.
