Qazaqstanda 2012 jyly kıkboksıngten Azııa chempıonaty ótýi múmkin
ALMATY. 29 qarasha. QazAqparat /Erlik Erjanuly/ - 21-26 qarasha kúnderi kıkboksıngten Irlandııada ótken Álem chempıonaty kezinde Halyqaralyq kıkboksıng federatsııasy Qazaqstanǵa 2012 jyly Azııa chempıonatyn ótkizýdi usyndy. Ulttyq quramanyń bas bapkeri Qaırat Smaǵulovtyń aıtýynsha,
Qazaqstandyq kıkboksıngshiler Álem birinshiligi men Álem kýbogy jarystarynan árdaıym júldesiz qaıtyp júrgen joq. Qazaqstan kıkboksıng mektebiniń bul jetistigi halyqaralyq federatsııa tarapynan joǵary baǵalynyp otyr. 2013 jyly ótetin Búkilálemdik oıyndardyń dárejelik irikteý jarysy sanalatyn Azııa chempıonatyn Astana qalasynda ótkizýdi senip tapsyrýy elimizge kórsetilgen úlken qurmet deýge bolady. Kıkboksıng 2013 jylǵy HІІІ jazǵy Azııa oıyndarynyń baǵdarlamasyna engizilip otyrǵanyn eskersek, bul atalmysh sport túrin elimizde budan ary damytýǵa tyń serpin bereri kúmánsiz
Jalpy bıylǵy Álem chempıonatynda qazaqstandyqtar 11 salmaq dárejesi boıynsha synǵa túsip 1 altyn, 3 kúmis, 4 qola medal ıelendi. Sonyń nátıjesinde jalpy komandalyq esepte erler arasynda fýl-kontakttan 46 eldiń arasynda 4-oryn aldy. Qazaqstannan jeńimpazdardyń sany boıynsha tek Reseı, Túrkııa jáne Italııa quramalary ǵana alǵa ozyp shyqty.
