Qazaqstanda 2012 jyly 30 myńnan astam qartqa úıinde medıtsınalyq kómek kórsetildi
ASTANA. 4 mamyr. QazAqparat - Respýblıkanyń densaýlyq saqtaý júıesindegi emhanalyq mekemelerdiń barlyǵynda áleýmettik qyzmetkerler men psıhologtar ınstıtýtyn engizý ótken jyly 30 myńnan astam 60 jastan asqan qartqa óz úıinde medıtsınalyq járdem kórsetýge múmkindik berdi, dep habarlady primeminister.kz QR Densaýlyq saqtaý mınıstrliginiń baspasóz qyzmetine silteme jasap.
«Áleýmettik qyzmetkerler ınstıtýtyn engizýdiń jaǵymdy áseri úıdegi statsıonarlarda emdelgen 60 jastan asqan adamdardyń sanynyń artýy arqyly kórinip otyr. Osylaısha, 2011 jyly úıde medıtsınalyq kómek qabyldaǵan 60 jastan asqan adamdar sany 17 222 adam bolsa, 2012 jyly úıde 30 myńnan astam qart emdelgen», - delingen vedomstvo habarlamasynda.
Aıta ketý kerek, áleýmettik álsiz toptardy (zeınetkerler, múgedekter, az qamtylǵan otbasylar) qoldaý maqsatynda buryndary 50% jeńildikpen jiberilip kelgen dáriler 2012 jyldan bastap tegin berile bastady.
Sonymen qatar, 2012 jyly QR Densaýlyq saqtaý mınıstrligi qarııa kisilerdiń klýbtaryn damytý arqyly medıtsınalyq-sanıtarııalyq kómek kórsetýdi jetildirý maqsatynda úkimettik emes uıymdarǵa áleýmettik memlekettik tapsyrys ornalastyrdy.
Áleýmettik tapsyrys sheńberinde 6 óńirde: Astana, Qostanaı, Pavlodar, Óskemen, Aqtóbe jáne Kókshetaý qalalarynda qarııa kisiler klýbtary ashyldy. Jalpy 2013 jylǵy 1 qańtardaǵy jaǵdaı boıynsha respýblıka boıynsha medıtsınalyq uıymdarda qarııa kisilerdiń 27 klýby jumys istep tur.
