Qazaqstanda 2011 jyly ınflıatsııa 7,4 paıyzdy qurady
ASTANA. 10 qańtar. QazAqparat - «2011 jyly Qazaqstandaǵy ınflıatsııa 7,4 paıyzdy qurady», -dep jazdy Kárim Másimov Twitter-degi blogyna.
Statıstıka agenttiginiń málimeti boıynsha, 2011 jyly ınflıatsııa (2011 jyldyń jeltoqsanynda 2010 jyldyń jeltoqsan aıymen salystyrǵanda) 7,4 paıyzdy qurady. Azyq-túlik taýarlarynyń baǵasy 9,1 paıyzǵa, azyq-túlikke jatpaıtyn taýarlardyń baǵasy - 5,3 paıyzǵa, aqyly qyzmet baǵasy - 7,3 paıyzǵa qymbattady.
Ekonomıkalyq damý jáne saýda mınıstrligi buǵan deıin habarlaǵandaı, 2011 jyldyń qańtar-qarasha aılarynda ınflıatsııa deńgeıi 7 paıyzdy qurady. Atap aıtqanda, ınflıatsııanyń jyldyq kórsetkishi (2011 jyldyń qarasha aıynda 2010 jyldyń qarasha aıymen salystyrǵanda) 7,8 paıyz deńgeıinde bolyp, josparlanǵan 6-8 paıyzdyń aralyǵyn qamtydy.
Esterińizge sala keteıik, Qazaqstanda 2008 jyly ınflıatsııa aldyńǵy jyldyń jeltoqsan aıymen salystyrǵanda 9,5 paıyzdy, 2009 jyly - 6,2 paıyzdy, 2010 jyly - 7,8 paıyzdy, 2011 jyly - 7,4 paıyzdy qurady.
