Qazaqstanda 2011 jyldyń 8 aıynda ashyq júrekke 4912 jáne býyndardy endoprotezdeý 1608 operatsııasy jasaldy
ASTANA. 7 qazan. QazAqparat. Búgin Astanada «Medıtsınadaǵy ınnovatsııalyq tehnologııalar jáne progress. Eýro-Azııalyq Respıratorlyq qoǵamnyń 7-shi Kongresi» Halyqaralyq Kongresi jumysyn bastady, dep habarlaıdy Densaýlyq saqtaý mınıstrliginiń baspasóz qyzmeti. Jıyn Ulttyq ǵylymı medıtsınalyq ortalyqtyń (UǴMO) 10 jyldyǵyna arnalyp otyr.
Kongress jumysyna Búkilálemdik densaýlyq saqtaý uıymynyń ókilderi, Eýropa, AQSh, Azııa jáne TMD-nyń jetekshi medıtsınalyq uıymdarynyń ǵalymdary qatysýda.
QR Densaýlyq saqtaý mınıstri Salıdat Qaıyrbekova quttyqtaý sózinde Elbasy azamattardyń densaýlyǵyn nyǵaıtýdy Qazaqstannyń álemdegi básekege qabiletti elderdiń qataryna enýdegi mindetti sharttardyń biri retinde qarastyratyn atap kórsetti.
Qazaqstanda táýelsizdik jyldary densaýlyq saqtaý salasy josparly túrde damyp kele jatyr. Bul ekonomıkalyq ál-aýqattyń artýyna tikeleı baılanysty. Salany qarjylandyrý kólemi on eseden astam ulǵaıyp, medıtsınanyń materıaldyq-tehnıkalyq bazasyn nyǵaıtýǵa qol jetkizildi. Jańadan 500-deı densaýlyq saqtaý nysany salyndy, 4000-nan astam medıtsınalyq uıym kúrdeli jóndeýden ótkizildi, 75 mlrd teńgeden asa qarjyǵa medıtsınalyq qural-jabdyqtar satyp alyndy. Respýblıka boıynsha joǵary tehnologııalar engizilýde. Ǵylymı zertteý ınstıtýttary men respýblıkalyq emhanalarda synaqtan ótkizilgen 400 qazirgi zamanǵy medıtsınalyq ázirlemeniń 123-i oblystarda tabysty júzege asyrylýda.
«Salamatty Qazaqstan» memlekettik baǵdarlamasyn júzege asyrýda azamattardyń salaýatty ómir saltyn ustanýyn keńinen nasıhattaý jáne ár adamnyń óz densaýlyǵyna ortaq jaýapkershiligin kúsheıtýge basa nazar aýdarylǵan.
Elimizde kepildik berilgen tegin medıtsınalyq kómek kólemi artyp keledi. Óńirlerde joǵary tehnologııalyq kúrdeli operatsııalar jasalýda. ıAǵnı, joǵary mamandandyrylǵan kómek turǵyndar úshin qoljetimdi bola tústi. Eger 2010 jyly elimizde ashyq júrekke 3297 operatsııa, býyndardy endoprotezdeý boıynsha 1302 operatsııa jasalynsa, 2011 jyldyń 8 aıynda 4912 operatsııa ashyq júrekke, 1608 býyndardy endoprotezdeý operatsııalary jasaldy.
Ulttyq ǵylymı medıtsınalyq ortalyq ınnovatsııalyq joǵary tehnologııalardy paıdalaný arqyly medıtsınalyq qyzmetter sapasyn jaqsartý maqsatynda engiziletin ilki jobalardy júzege asyrýshy negizgi ortalyqtardyń biri.
Emhana jumys istep kele jatqan 10 jyldyń ishinde 210 myńnan astam qazaqstandyq azamatqa, oǵan qosa AQSh, Reseı, BAÁ, Túrkııa, Germanııa, Ulybrıtanııa jáne ózge elderdiń azamattaryna joǵary tehnologııalyq medıtsınalyq kómek kórsetildi.
Kongress aıasynda sımpozıýmdar, sheberlik-synyptaryn, jas ǵalymdar baıqaýyn, dóńgelek ústelder, dárilik quraldar jáne medıtsınalyq jabdyqtar kórmesin uıymdastyrý josparlanǵan.
Kongress medıtsına qyzmetkerlerine, ǵalymdar men mamandarǵa álemdik jáne otandyq medıtsına ǵylymy men jolǵary tehnologııalar jetistikterimen tanysýǵa múmkindik beredi.
