Qazaqstanda 2011 jyldy «Bilim jyly» dep jarııalaý týraly usynystar bar
ASTANA. Naýryzdyń 29-y. QazAqparat /Qanat Mámetqazyuly/ -Qazaqstan Respýblıkasynyń Táýelsizdigine 20 jyl tolýy qarsańynda 2011 jyldy «Bilim jyly» dep jarııalaý týraly usynystar túsip jatyr.
Búgin QR Parlamenti Májilisinde ótken Úkimet saǵatynda Bilim jáne ǵylym mınıstri Janseıit Túımebaev osylaı málim etti, dep habarlaıdy QazAqparat.
«Jalpy kóptegen memleketterde «Bilim nemese ǵylym jyly» dep jarııalaý úderisi barshylyq. Osyǵan oraı, el Táýelsizdiginiń 20-jyldyǵy qarsańynda 2011 jyldy «Bilim jyly» dep jarııalaý týraly usynystar kelip túsýde», degen mınıstr depýtattyq korpýstan osy máselege qatysty qoldaý kútetinin jetkizdi.
Sonymen birge, memlekettik jalpyǵa mindetti bilim berý standartyna engizilgen ózgeristerge toqtalǵan J. Túımebaev, «Mádenı mura» baǵdarlamasy sheńberinde tabylǵan tarıhı-mádenı derekterdiń orta mektepter men joǵary oqý oryndarynyń oqý baǵdarlamalaryna engizilgenin atap ótti. «Bunyń ishinde «Qazaq tili» páni Eltaný bólimimen tolyqsa, «Qazaqstan tarıhy» pánine Kóne Tarazda, Almatyda, Jetisýda meken etken Saq, Úısin taıpalary týraly ǵylymı málimetter, Otyrar men Bozoq eski qalalaryndaǵy qazba derekteri engizildi. «Kórkem eńbek» sekildi qosymsha pánder júrgizilýde», dedi mınıstr.
