Qazaqstanda 2010 jylǵy aqpanda turǵyn úı rynogyndaǵy baǵanyń kóterilýi baıqaldy

dep habarlaıdy QazAqparat QR Statıstıka agenttigine silteme jasap.

«2010 jylǵy aqpanda ótken aımen salystyrǵanda jańa turǵyn úıdi, daıyn jáne qarasylaqty turǵyn úılerdi alyp-satý baǵasy 0,4 paıyzǵa kóterildi, al daıyn turǵyn úılerdi jalǵa berý 0,2 paıyzǵa tómendedi», delingen Statıstıka agentiginiń taratqan habarlamasynda.

Agenttiktiń málimetinshe, atap aıtqanda respýblıka boıynsha jańa páterdiń quny 1 sharshy metri úshin 139 myń 181 teńgeni qurady. Ekinshi naryqtaǵy daıyn páterlerdiń 1 sharshy metriniń quny - 101 myń 304 teńgeni, al qarasylaqty turǵyn úılerdiń 1 sharshy metriniń quny 59 myń 394 teńgeni qurady. Deıturǵanmen, 2009 jyldyń aqpan aıymen salystyrǵanda bir jyldyń ishinde elimizde jańa turǵyn úılerdiń baǵasy 3,3 paıyzǵa tómendegen, al ekinshi naryqtaǵy páterler 4,8 paıyzǵa arzandaǵan.