Qazaqstanda 2010 jyldyń mamyrynda azyq-túlik taýarlarynyń baǵasy 2009 jyldyń mamyrymen salystyrǵanda 5,2 paıyzǵa qymbattady

dep habarlaıdy QazAqparat QR Statıstıka agenttigine silteme jasap.

«2010 jyldyń mamyrynda 2009 jyldyń tıisti aıymen salystyrǵanda qanttyń baǵasy 30 paıyzǵa, sháı jáne kakao - 13,3 paıyzǵa, kondıterlik buıymdar - 8,5 paıyzǵa, maı jáne toń maı - 6,6 paıyzǵa, sút ónimderi - 6 paıyzǵa, alkagoldi sýsyndar 5,8 paıyzǵa ósti. Al unnyń baǵasy 16,8 paıyzǵa, jarma - 6,3 paıyzǵa, jemis-jıdekter men kókónister - 2,6 paıyzǵa, nan - 2,4 paıyzǵa, makaron ónimderi 0,7 paıyzǵa tómendedi», delingen Agenttiktiń búgingi taratqan habarlamasynda.

Kórsetilgen kezeńde et jáne et ónimderiniń baǵasy 9,4 paıyzǵa qymbataǵan. Al, shoshqa etiniń baǵasy 10,7 paıyzǵa, shujyq ónimderi -7,8 paıyzǵa, qoı eti - 4,8 paıyzǵa, jylqy eti - 3,7 paıyzǵa, qus eti 3,3 paıyzǵa qymbattaǵan.