Qazaqstanda 2009 jyldyń jeltoqsanynda ınflıatsııa 0,6 paıyzdy qurady

Bul týraly QazAqparat QR Statıstıka agenttigine silteme jasap habarlaıdy.

Agenttiktiń málimetinshe, 2009 jyldyń jeltoqsan aıynda azyq-túlik taýarlarynyń baǵasy - 0,4 paıyzǵa, azyq-túlikke jatpaıtyn taýarlardyń baǵasy - 0,3 paıyzǵa, aqyly qyzmetter - 1,1 paıyzǵa ulǵaıǵan. Azyq-túlik taýarlarynyń naryǵynda ótken aıda shıki súttiń baǵasy - 4,6 paıyzǵa, jumyrtqa, kofe, sháı jáne kakao - 1,8, qyshqyl sút ónimderi - 1,7, maı -1,6 , alkogolsiz sýsyndar - 1,3, alkogoldi sýsyndar - 1,2, balyq jáne teńiz ónimderi -1 , kondıterlik buıymdar - 0,6, et ónimderi, kókónister men jemister - 0,2 paıyzǵa ósken. Nan men makaron buıymdarynyń baǵasy - 0,3 paıyzǵa, jarma - 1,7 , kúrish -2,7, un - 5,1 paıyzǵa tómendegen.

Azyq-túlikke jatpaıtyn taýarlar naryǵynda kitaptar men gazetterdiń jáne jýatyn jáne tazalaıtyn quraldardyń baǵasy - 0,5 paıyzǵa, ydystar men jeke gıgıena taýarlary - 0,7, kıimder men aıaq-kıimder - 0,9, farmatsevtıkalyq preparattar - 1,1, paıyzǵa ulǵaıǵan. Benzın

3 paıyzǵa, tsement - 2,9 paıyzǵa arzandasa, dızel otyny - 2 paıyzǵa, kómir - 1 paıyzǵa qymbattady. Medıtsınalyq qyzmetter baǵasynyń deńgeıi 0,5 paıyzǵa, shashtarazdar, meıramhanalar jáne qonaqúılerdiń baǵasy - 0,9 paıyzǵa, jolaýshylar kóliginiń baǵasy - 1,2 paıyzǵa qymbattaǵan. Turǵyn-úı kommýnaldyq qyzmetter salasynda ystyq sýdyń tarıfteri - 4,2 paıyzǵa, káriz - 3,7 paıyzǵa, ortalyqtan jylytý - 2,6 paıyzǵa, sýyq sý - 1 paıyzǵa qymbattady.