Qazaqstanda 2009 jyldyń jeltoqsanynda azyq-túlik taýarlarynyń baǵasy 3 paıyzǵa ósti

dep habarlaıdy QazAqparat QR Statıstıka agenttigine silteme jasap.

Agenttiktiń málimetinshe, 2009 jyldyń jeltoqsan aıynda 2008 jyldyń tıisti aıymen salystyrǵanda nan baǵasy -3,2 paıyzǵa, jarma - 5,8, jemis-jıdekter men kókónister - 7,9, maı - 11,5, un - 16,9 ppaıyzǵa arzandaǵan. Al, qanttyń baǵasy - 38,7 paıyzǵa, kofe, shaı jáne kakao - 24,6, alkogoldi sýsyndar - 11,9, toqash jáne un ónimderi - 7,8 , kondıterlik buıymdar - 6,6 , sút ónimderi - 2,6, makoron buıymdary - 2 paıyzǵa qymbattaǵan. 2009 jyldyń ishinde et jáne et ónimderiniń baǵasy 5,5 paıyzǵa ulǵaıǵan. Al, shoshqa eti - 10,6 paıyzǵa, shujyq ónimderi - 6,7 paıyzǵa, jylqy eti - 2,4 paıyzǵa qymbattasa, qus eti - 1,3 paıyzǵa arzandaǵan.