Qazaqstanda 20 sáýirde ótetin mańyzdy sharalarǵa sholý

ASTANA

Saǵat 10:00-de Bas prkýratýrada QR Parlamenti Senatynyń Konstıtýtsııalyq zańnama, sot júıesi jáne quqyq qorǵaý organdary komıtetiniń kóshpeli otyrysy ótedi.

Saǵat 10:00 kezinde «Altyn orda» BO-da Y. Altynsarın atyndaǵy Ulttyq bilim akademııasynyń bazasynda «Inklıýzıvtik bilim: teorııa, tájirıbe» taqyryby boıynsha halyqaralyq ǵylymı-tájirıbelik konferentsııa uıymdastyrylady.

Saǵat 10:00-de Jaqyp Asanovtyń tóraǵalyǵymen Joǵarǵy Sottyń kezekti plenarlyq otyrysy bastalady. Sharanyń taqyryby Joǵarǵy Sottyń normatıvtik qaýlylaryna arnalmaq.

Saǵat 11:00-de Májiliste jumys toby keńeıtilgen otyrys ótkizedi. Onda memlekettik satyp alýlar salasyna arnalǵan zań jobasy talqylanady.

Saǵat 11:20 kezinde «Úkimet úıinde» «Prezıdenttiń bes áleýmettik bastamasyn» júzege asyrý aıasynda mıkronesıeleýdi keńeıtý taqyrybyna arnalǵan baspasóz máslıhaty ótedi.

Saǵat 14:30-da Nazarbaev Ýnıversıtetinde Qazaqstan Jas Ǵalymdary qaýymdastyǵynyń tanystyrylymy uıymdastyrylady. Qaýymdastyqty qurý bastamasyn Nazarbaev Ýnıversıtetiniń doktoranttary men ǵalymdary kóterip otyr.

Saǵat 15:00 kezinde Nazarbaev ortalyǵynda Smart Zholy baǵdarlamasynyń fınalısteri anyqtalady. Olar Sıngapýrge saparlap, ózderiniń startaptaryn bıyl shildede Echelon Asia Summit tehnologııalyq iri konferentsııada tanystyrý múmkindigine ıe bolady.

ALMATY

Saǵat 09:00-de «Dostyq» qonaqúıinde sot qadaǵalaý máseleleri boıynsha quqyq qoldaný tájirıbesi taqyrybynda dóńgelek ústel otyrysy bastalady.

Saǵat 10:00-de «Atakent» kórme ortalyǵynda Qazaqstan saıahatshylarynyń forýmy uıymdastyrylady. Atalǵan shara «Týrızm jáne saıahat» halyqaralyq kórmesi aıasynda ótkizilmek.

Saǵat 10:45-te Almaty ákiminiń orynbasary Almas Mádıevtiń tóraǵalyǵymen «Innovatsııalyq ekojúıe jáne qalalyq orta» taqyrybynda dóńgelek ústel otyrysy uıymdastyrylady.

Saǵat 11:00 kezinde Balýan Sholaq atyndaǵy sport saraıynda sporttyq jármeńke ótedi. Bul shara jyl saıyn Almaty Marafony aıasynda ótetin sporttyq ekspo sanalady.

Saǵat 14:00-de «Almaty» qonaqúıinde erler men áıelder arasynda shahmattan Qazaqstan Respýblıkasy chempıonatynyń fınaly bastalady.

Saǵat 17:00-de Almaty Towers bıznes-ortalyǵynda Qazaqstan qor bırjasy óziniń 25 jyldyǵyna arnap kezekti KASE Talks dárisin ótkizedi.

ÓSKEMEN

Saǵat 12:00 kezinde erekshe bilim qajettilikterimen balalar shyǵarmashylyǵynyń «Juldyzaı» XIII respýblıkalyq festıvali ótedi. «Juldyzaı» festıvali Astananyń 20 jyldyǵyn merkeleý aıasynda uıymdastyrylyp otyr.

TARAZ

Saǵat 09:00-de «ІT-bilim: problemalar men úrdister» atty óńirlik ǵylymı-tájirıbelik konferentsııa bastalady.

Saǵat 09:00 kezinde «Otanym degen meniń bastamam» taqyrybynda shyǵarmashylyq jobalardyń konkýrsy ótedi.

ShYMKENT

Saıram aýdanynda Soltústik Qazaqstan, Pavlodar, Shyǵys Qazaqstan, Qostanaı oblystarynan kelgen 120-dan astam jumys berýshilerdiń qatysýymen bos jumys oryndary jármeńkesi ótedi.

Saǵat 11:00-de Óńirlik kommýnıkatsııalar qyzmetinde Ońtústik Qazaqstan oblysy boıynsha «Halyqqa qyzmet kórsetý ortalyǵy» departamentiniń dırektory E.Álseıitov, Jer kadastry jáne jyljymaıtyn múlikti tehnıkalyq tekserý departament dırektory D.Isakov jáne Áleýmettik tólemder vedomstvoaralyq esepteý ortalyǵynyń dırektory B.Basymbek baspasóz máslıhatyn ótkizedi. Onda spıkerler «Azamattarǵa arnalǵan úkimet» memlekettik korporatsııasynyń atqarǵan jumystary jáne transformatsııanyń ári qaraı jalǵasýy retinde úsh departamenttiń birigýi týraly memlekettik korporatsııanyń ótkizetin alǵashqy aýqymdy is-sharasy boıynsha aıtatyn bolady.