Qazaqstanda 20 qazanda ótetin mańyzdy sharalarǵa sholý
ASTANA. QazAqparat - «QazAqparat» halyqaralyq aqparat agenttigi Qazaqstanda 20 qazanda ótetin mańyzdy sharalar sholýyn usynady.
ASTANA
Saǵat 09:00-de elordadaǵy №66 mektepte Qazaqstannyń ǵylymı jáne bilim berý salasyndaǵy basty jańalyq - STEM olımpıadasy ótedi. Qala mektepteriniń komandalary fızıka boıynsha óz bilim-biligimen saıysady.
Saǵat 10:00-de Alash tas joly boıyndaǵy alańda búrkitshi Kúntýǵan Toqtybaıulyn eske alýǵa arnalǵan Búrkitshilerdiń halyqaralyq týrnıri bastalady.
Saǵat 10:00-de «Qazaqstan» sport kesheninde Soltústik Qazaqstan oblysynyń aýyl sharýashylyǵy jármeńkesi ótedi.
Saǵat 14:00-de «Dáýlet» sport kesheninde Nomad MMA boıynsha «Azııa jaýyngeri» VIII halyqaralyq týrnıri uıymdastyrylady.
Saǵat 14:00-de «Nur Otan» partııasynyń Astana qalalyq fılıalynyń ǵımaratynda «7-20-25» baǵdarlamasyn túsindirýge arnalǵan «Ashyq esik kúnderi» ótedi.
ALMATY
Saǵat 11:00-de Brýsılovskıı kóshesinde qala ákimi Baýyrjan Baıbektiń qatysýymen «Jas qyran» balalar-jasóspirimder fýtbol ortalyǵynyń ashylýy ótedi.
Saǵat 12:30-da «Ramada Almaty» qonaq úıinde «Almaty qalasynyń kóliktik damý strategııasy» taqyrybynda Eýropalyq odaq jobasynyń VI forýmy ótedi.
Saǵat 13:00-de «Halyk Arena»-da parabı boıynsha Qazaqstan chempıonaty ótedi.
