Qazaqstanda 20 tsıfrlyq ferma qurylady
«Qazaqstan Respýblıkasynyń Prezıdenti - Elbasy N.Nazarbaevtyń tapsyrmasy boıynsha agroónerkásip kesheninde 5 jyl ishinde eńbek ónimdiliginiń artýy jáne qaıta óńdelgen aýyl sharýshylyq ónimderiniń eksporty keminde 2,5 esege ósýi kóp dárejede AÓK-niń tsıfrlandyrý esebinen qamtamasyz etiledi. AÓK-ni tsıfrlandyrý aıasynda búkil respýblıka boıynsha kem degende 20 tsıfrlyq ferma jáne 4000 aldyńǵy qatarly fermalar qurylady jáne protsester men memlekettik qyzmetterdi 100 paıyzdyq avtomattandyrý qamtamasyz etiledi», - dedi ol.
Onyń aıtýynsha, tsıfrlandyrý fermer jáne onyń qyzmetin basynan bastap satýǵa deıin jeńildetýge baǵyttalady.
«Kanada, Túrkııa, Avstralııa, Germanııa, AQSh sııaqty elderdiń tájirıbesi memlekettiń fermer qyzmetiniń ár kezeńinde jaǵdaı jasaıtynyn kórsetedi. Mysaly, Túrkııada fermerlerdi tirkeý júıesi bar. Onda jeńildetilgen qarjylandyrý men memlekettik qoldaý týraly aqparat alýǵa bolady.
«AÓK-ni tsıfrlandyrý aıasynda jyldam onlaın-qaryz berý, aýa raıyn taldaý jáne boljamdaý, ósimdik ónimin josparlaý, baǵa monıtorıngi jáne taǵy basqalary týraly joǵaryda atalǵan elderdiń tájirıbesin paıdalaný josparlanýda», - dedi Arman Evnıev.
Sonymen qatar onyń aıtýynsha, 2020 jyldan bastap jeke IT-kompanııalardy tarta otyryp, onlaın oqytýdy bastaý josparlanýda.
«Onlaın-keńes berýdi engizý fermerge kásipkerlik, fermerlik sharýashylyq, agronomııa, tuqym sharýashylyǵy, mal sharýashylyǵy jáne basqalar boıynsha qajetti keńester alýǵa múmkindik beredi jáne mamandardy izdeý men tartý shyǵyndaryn azaıtady. S.Seıfýllın atyndaǵy Qazaq agrotehnıkalyq ýnıversıteti ilki rejimde AÓK-niń 200 sýbektisine aqysyz negizde tegin qashyqtyqtan keńes berdi. Internette keńes berýdiń iske qosylýy 2020 jyldan bastap IT-kompanııalardy tartý arqyly tolyǵymen iske asyrylatyn bolady», - dedi ol.