Qazaqstanda 20,5 mln tonna astyq bastyryldy
ASTANA. QazAqparat - Qazaqstanda 8 qazandaǵy jaǵdaı boıynsha, 20 mln 550,3 myń tonna astyq bastyryldy, dep habarlaıdy QazAqparat.
QR Aýyl sharýashylyǵy mınıstrliginiń aqparatyna sáıkes, esepti kezeńde aýyl sharýashylyǵy óndirisshileri 14 mln 578,4 myń gektar nemese óńirlerdegi jalpy astyq alqaptarynyń 97%-ynda astyq orylǵan. Ortasha ónimdilik gektaryna 14,1 tsentnerdi qurady.
2017 jyldyń osy kezeńindegi kórsetkish 15 mln 237,8 myń gektar nemese 99,4%-dy, al ortasha ónimdilik gektaryna 14,1 tsentnerdi quraǵan bolatyn.
Qazaqstanda 2018 jyly astyq orylatyn alqaptardyń jalpy aýmaǵy 15 mln 26,1 myń gektardy (2017 jyly - 15 mln 323,6 myń ga) quraıdy. Sonymen qatar, bıylǵy egistik naýqanynda jalpy 15 mln 122,6 myń gektar aýmaqqa dán sebilgen, al byltyr bul kórsetkish - 15 mln 411,6 myń gektardy quraǵan bolatyn.
