Qazaqstanda 20,37 mln tonna astyq jınaldy
ASTANA.QazAqparat - Aýyl sharýashylyǵy ónimderin jınaý jónindegi málimetterge sáıkes, Qazaqstandaǵy 2017 jyldyń 25 qyrkúıegindegi jaǵdaı boıynsha 20 368,2 myń tonna astyq jınaldy, dep habarlaıdy «QazAqparat» HAA tilshisi QR Aýyl sharýashylyǵy mınıstrligine silteme jasap.
Oblystyq aýyl sharýashylyǵy basqarmalary, óndirýshiler esepti merzimge 14 729 myń gektar astyqty jınap úlgergenin, bul óńirlerdegi jınaý aýdandarynyń 96,3% quraıtyndyǵyn habarlady.
Ortasha ónimdilik 13,8 ts/ga. 2016 jyldyń osy kezeńinde Qazaqstanda 12 926,4 myń ga alqap jınaldy. Oblystardaǵy jınaý aýdandarynyń 84,6%-yn qurap, 19 044,3 tonna astyq jınalǵan. Ortasha ónimdilik 14,7 ts/ga-ǵa teń boldy. 2017 jyly astyq jınaý aýdandary 15 298 myń ga, 2016 jyly - 15 275,1 myń ga.
