Qazaqstanda 2 naýryzda ótetin mańyzdy sharalarǵa sholý

ASTANA

Saǵat 10:00-de Rixos Hotel Astana-da Qazaqstan Musylmandary dinı basqarmasynyń uıymdastyrýymen Eýrazııa musylman ǵulamalarynyń forýmy ótedi.

Sonymen qatar dál osy ýaqytta L.N. Gýmılev atyndaǵy EUÝ-da 2018 jylǵy saýalnama aldyndaǵy kezeńinde Dúnıejúzilik ekonomıkalyq forýmy básekege qabilettilik jahandyq ındeksi aıasyndaǵy aqparattyq-túsindirý boıynsha kezdesý ótedi. Bul sharaǵa memlekettik organdar men «Atameken» UKP ókilderi qatysady.

Saǵat 11:00-de QR Premer-Mınıstriniń orynbasary-Aýyl sharýashylyǵy mınıstri Ómirzaq Shókeevtiń tóraǵalyǵymen mal jáne qus sharýashylyqtaryn damytýǵa arnalǵan kóshpeli keńes uıymdastyrylmaq.

Al túsken keıin saǵat 15:00 kezinde QR SІM-de týrızm salasynda shetelmen Qazaqstannyń yntymaqtastyǵyn keńeıtý taqyrybynda dıplomatııalyq korpýs úshin brıfıng ótedi. Sharaǵa QR Syrtqy ister mınıstri Qaırat Ábdirahmanov, Mádenıet jáne sport mınıstri Arystanbek Muhamedıuly, Astana ákimi Áset Isekeshev qatysady dep kútilýde.

ALMATY

Saǵat 09:00-de The Ritz-Carlton Almaty qonaq úıinde qarjylyq blok top-menedjerleriniń jyl saıynǵy ári mereıtoılyq V Sammıti uıymdastyrylady.

Saǵat 10:00-de InterContinental Almaty-da qurylys salasynda aqparattyq modeldeýdi engizý boıynsha Qazaqstan, Reseı jáne Belarýs mınıstrlikteri ókilderiniń tájirıbe almasýyna arnalǵan halyqaralyq konferentsııa bolady.

Budan bólek, «Kınematografııa týraly» zań jobasy boıynsha Almaty qalasynda Májilistiń Áleýmettik-mádenı damý komıteti kóshpeli otyrys ótkizedi. Kóshpeli otyrys T.Júrgenov atyndaǵy Qazaq Ulttyq óner akademııasynda saǵat 14:00-de bastalady.

OQO

Saǵat 11:00-de Jastar resýrstyq ortalyǵynda «Sandyq Qazaqstan» zııatkerlik baıqaýy ótedi. Baıqaýǵa 5 komanda qatysady. Komanda eki oqýshy, eki muǵalim jáne eki ata-anadan turady. Baıqaý «Ózińnen basta» respýblıkalyq aktsııasynyń bastaýy bolady dep josparlanýda. Baıqaýdyń maqsaty - elimizde kórsetilip jatqan sandyq qyzmet túrleri boıynsha turǵyndardyń saýattylyǵyn arttyrý.

Saǵat 14:00-de OQO Kásipkerler palatasynyń qoldaýymen jeńil ónerkásip pen toqyma ónerkásibindegi otandyq óndirýshilerdi qoldaý maqsatynda SHYMKENT POP UP STORE ulttyq dızaınerler kórmesiniń VIII maýsymynyń saltanatty ashylýy ótedi.

AQTÓBE

Erteń oblys ákimi «Alǵys aıtý kúnine» arnalǵan múmkindigi shekteýli jandardy jumysqa ornalastyrý aktsııasyna qatysady. Shara 12:30-da «ıÝrta» meıramhanasynda bastalady.