Qazaqstanda 2 myńǵa jýyq boryshker kásiporyn bar - A.Ýalıeva
ASTANA. QazAqparat - Qazaqstanda 2 myńǵa jýyq boryshker kásiporyn bar. Bul týraly búgin QR Qarjy mınıstrliginiń Memlekettik kirister komıtetine qarasty Boryshkerlermen jumys jónindegi basqarmanyń jetekshisi Aıgúl Ýalıeva málim etti.
«2016 jyldyń 1 qańtaryndaǵy málimetterge sáıkes bankrottyq protsedýrasy júrgizilip jatqan boryshkerlerdiń sany - 1997. Olardyń nesıe boryshtary 1,9 trln. teńgeni quraıdy», - dedi ol.
Onyń sózine qaraǵanda, atalǵan qarjyny qyzmetkerler, kepil berýshiler, salyq jáne salyq organdary jáne basqa da kredıtorlar aldyndaǵy qaryzdar quraıdy.
«Egerde tolyqtaı alyp qaraıtyn bolsaq, somanyń negizgi bóligin basqa da kredıtorlar aldyndaǵy, ıaǵnı úshinshi tulǵalarǵa bereshekter qurap otyr. Negizgi qaryz 809 mlrd. teńgeni, ósimpuldar, aıyppul sanktsııalary jáne basqa da bereshekter 447 mlrd. teńgeni quraıdy», - dedi basqarma jetekshisi.
