Qazaqstanda 2 mıllıonnan astam Visa nesıelik kartalary shyǵaryldy
ALMATY. 11 shilde. QazAqparat - Visa halyqaralyq tólem júıesiniń 1,7 mln. astam nesıelik kartalaryn shyǵarǵan Kaspi bank qurmet sertıfıkatymen marapattaldy.
«Visa-nyń derekteri boıynsha qazirgi tańda Qazaqstanda 2 mıllıonnan astam Visa kredıt kartalary shyǵarylǵan. Onyń 1,7 mıllıony Kaspi bank-niń kredıt kartalary quraıdy», - deıdi Qazaqstandaǵy Visa kompanııasy keńsesiniń basshysy Ǵalym Tabyldıev.
Kaspi bank tuńǵysh jańartpaly kredıt kartasyn 2008 jyly shyǵarǵan bolatyn. Búgingi kúni shyǵarylǵan nesıelik kartalarynyń sany boıynsha ol Qazaqstannyń bank naryǵynyń kóshbasshy sanalady. Sondaı-aq TMD elderi aýmaǵynda kóshbasshylar qatarynda keledi.
«Kaspi bank-iniń kredıt kartasy - bizdiń klıentterge árqashan aqshaly bolýǵa jáne óz kredıtin erkin basqarýǵa múmkindik beretin ınnovatsııalyq kredıt ónimi. Bizdiń kredıt kartamyzdyń úsh túrli mańyzdy artyqshylyǵy bar. Birinshiden, kredıt kartasyn kez kelgen bólimsheden nebári 15 mınýtta jyldam alýǵa bolady. Ekinshiden, dúkenderde taýarlar men qyzmetterge bizdiń kartamyz arqyly aqy tólegen kezde 55 kún paıyzsyz. Úshinshiden, óz qarjyńyzdy josparlaýda erkindik kóp», - deıdi bank basshysy Mıhaıl Lomtadze.
