Qazaqstanda 2 mıllıonǵa jýyq salymshynyń teńgelik depozıtteri boıynsha ótemaqy tólenetin bolady - Q. Qojahmetov
ALMATY. QazAqparat - Qazaqstanda eki mıllıonǵa jýyq salymshynyń teńgelik depozıtteri boıynsha ótemaqy tólenetin bolady. Bul týraly búgin Almatyda ótken baspasóz brıfıngi barysynda QR Ulttyq banki tóraǵasynyń orynbasary Qýat Qojahmetov málim etti.
«Salymshylardan ótinimder tártip boıynsha bıylǵy jyldyń birinshi qazanyna deıin qabyldanady. Biraq, oǵan deıin salymshylardyń barlyǵy bankterge kelip úlgermeýi múmkin. Bul týraly ekinshi dárejeli bankter tarapynan da aıtylyp jatyr. Sondyqtan, biz merzimdi uzartý jóninde tıisti organdarǵa usynys joldadyq. Óıtkeni, Qazaqstanda teńgelik depozıtterine ótemaqy tólenetin salymshylardyń sany eki mıllıonǵa jýyqtaıdy. Sonymen qatar, depozıttegi aqsha bankte bir jylǵa deıin satalýy tıis. Sonda bankter tarapynan salymshylarǵa 10,5 paıyz kóleminde mólsherleme tólenedi. Al depozıtterdi alý merzimi 2016 jyldyń 30 qyrkúıegi bolyp belgilendi. Baǵamdyq aıyrmashylyq sol kúngi baǵam boıynsha esepteledi. Bul jerde bazalyq baǵam 2015 jyldyń 18 tamyzyndaǵy baǵam. Ol: 188 teńge 35 tıyn» - dedi Q. Qojahmetov
Aıta ketelik, bul jerde bir mıllıon teńgege deıingi depozıtterge ǵana ótemaqy tólenedi.
