Qazaqstanda 2 qazanda ótetin mańyzdy sharalarǵa sholý

ASTANA

Saǵat 09:00-de «Redısson» qonaq úıinde BUU Balalar Qory (ıÝNISEF) «Balalar týraly málimet: quqyq qorǵaýǵa qoljetimdilik» taqyrybynda Eýropa jáne Ortalyq Azııa ulttyq statıstıkalyq bıýrosynyń jelilik keńesin ótkizedi.

Saǵat 10:00-de QR Úkimetiniń otyrysy bastalady.

Saǵat 11:00-de Senatta Halyqaralyq qarym-qatynastar, qorǵanys jáne qaýipsizdik komıteti eki zań jobasyn talqylaıdy.

Saǵat 12:00-de «Redısson» qonaq úıinde qaldyqtardy óńdeýdi qamtamasyz etýmen birge energotıimdi turmystyq qurylǵylardy alǵa jyljytý Dıskontty baǵdarlamasy bastaý alady.

Saǵat 14:30-da Májiliste zań jobasynyń tanystyrylymy ótedi. Taqyryby:«Qazaqstan Respýblıkasynyń keıbir zańnamalyq aktilerine halyqtyń jumyspen qamtylýyn formalızatsııalaý máseleleri boıynsha ózgerister men tolyqtyrýlar engizý týraly».

Saǵat 15:00-de «Úzdik pedagog» respýblıkalyq konkýrs jeńimpazdaryn marapattaý rásimi uıymdastyrylady. Ustazdardy kásibı merekelerimen Qazaqstan Respýblıkasy Bilim jáne ǵylym Mınıstri Erlan Saǵadıev quttyqtaıdy. 

Saǵat 15:00-de «Hılton Astana» qonaq úıinde Dúnıejúzilik Munaı Keńesi otyrysyna jáne «Investıtsııalyq múmkindikter: turaqty damýǵa arnalǵan jańa sheshimder» konferentsııasyna arnalǵan baspasóz konferentsııasy ótedi. 

Saǵat 15:00-de «Sary-Arqa» velotreginde 2018-2019 jylǵy basketbol maýsymynyń ashylýyna arnalǵan dástúrli medıa-kún bastalady.

Saǵat 16:20-da Ortalyq kommýnıkatsııalar qyzmetinde agroónerkásip keshenindegi sýbsıdııalardy avtomattandyrýǵa arnalǵan baspasóz konferentsııasy ótedi.

ALMATY

Saǵat 17:00-de «Alataý» shyǵarmashylyq teatrynda «Tulpar minip, tý alǵan!» tarıhı-tanymdyq baıqaýdyń jeńimpazdaryn marapattaý rásimi ótkiziledi.

Saǵat 18:00-de Á.Qasteev atyndaǵy Memlekettik óner mýzeıinde Gýlıa Gromovanyń kórmesi ashylady.

Saǵat 18:30-da Áýezov teatrynyń jańa maýsymynyń ashylý rásimi ótedi. 

KÓKShETAÝ

Saǵat 11:00-de «Qazaqstan oqýshylaryn ekologııalyq tárbıeleý baǵdarlamasyna ornıtologııalyq baqylaý engizý» taqyrybynda brıfıng uıymdastyrylady. Jıynǵa Aqmola oblysy týrızm basqarmasynyń basshysy Danııar Idııatov, Qorǵaljyn ekologııalyq observatorııasynyń dırektory Quralaı Túspekova, AQSh Elshiliginiń Kishi granttar jáne bıýdjetteý baǵdarlamalarynyń assıstenti Serik Dosalıev, Qazaqstannyń bıoalýantúrliligin saqtaý qorynyń dırektory Asylhan Asylbekov, Eýrazııalyq Toptyń Qorshaǵan ortany qorǵaý Departamentiniń bas mamany Ramıl Dısembaeva qatysady.

Erteń Aqmola oblysy Qorǵaljyn eldi mekeni Qorǵaljyn aýdandyq mádenıet úıinde «Qazaqstannyń 100 jańa esimi» baǵdarlamasynyń jeńimpazdarymen kezdesý ótedi. Іs-sharaǵa Tselınograd aýdany Rodına aýyldyq okrýginiń ákimi B.Gazdıeva, «Qazaqstannyń 100 jańa esimi» jeńimpazdary, qoǵam qaıratkerleri, kásipkerler, stýdentter, oqýshylar qatysady. Іs-shara sońynda suraq-jaýaptar jáne Qazaqstan halqy Assambleıasynan kitaptar syıǵa tartylady. 

QYZYLORDA

Saǵat 18:00-de A.Toqmaǵanbetov atyndaǵy mádenıet úıinde Qyzylorda qalasynyń 200 jyldyǵyna oraı Shıeli aýdany ónerpazdarynyń shyǵarmashylyq keshi ótedi.