Qazaqstanda 2,7 mlrd teńgege gepatıtke qarsy 6 preparat satyp alynady

ASTANA. QazAqparat - 2018 jylǵa qazaqstandyqtardy tegin dári-dármekpen qamtamasyz etý úshin 2,7 mlrd teńgege vırýstyq gepatıtti emdeýge 5 preparat jáne V vırýstyq gepatıtine qarsy vaktsına Biryńǵaı dıstrıbıýtordyń júıesi arqyly satyp alyndy, dep habarlaıdy QazAqparat QR DSM baspasóz qyzmetine silteme jasap.

Qazaqstanda áleýmettik mańyzy bar aýrý retinde vırýstyq gepatıttiń emdelýine kóp kóńil bólinýde. Osy aýrýlardy emdeýge arnalǵan preparattardyń qoljetimdiligi 2018 jyly aldyńǵy jyldarmen salystyrǵanda 3,6 esege artty.

Vırýstyq gepatıtti emdeý úshin Biryńǵaı dıstrıbıýtor «SK-Farmatsııa» kompanııasy jyl saıyn Pegınterferon alfa 2b jáne Rıbavırın preparatyn satyp alady. 2018 jyly ıÝNISEF-tiń jetkizilim týraly sharty boıynsha Tenofovır preparaty satyp alynady.

Budan basqa, 2018 jylǵy tegin dárimen qamtamasyz etý tizimine C vırýsty gepatıtin emdeýdiń zamanaýı hattamalaryna sáıkes Sofosbývır jáne Daklatasvır engizildi. Osy dárilerdi jetkizýdi BUU Damý baǵdarlamasy arqyly júzege asyrý josparlanyp otyr.

Sondaı-aq, bıylǵy jyly sozylmaly gepatıt B vırýstyq ınfektsııasynyń aldyn alý úshin, sonyń ishinde baýyr tsırrozy jáne gepatokletkaly rakqa qarsy 445 400 doza vaktsına satyp alyndy. Balalardy erte jastan V vırýstyq gepatıtke qarsy vaktsınatsııalaý ulttyq ekpe kúntizbesine engizildi.