Qazaqstanda 19 maýsymda kún kúrkirep, qatty ystyq bolady
ASTANA. KAZINFORM — Tsıklon men onymen baılanysty atmosferalyq fronttardyń áserinen 19 maýsymda Qazaqstannyń basym bóliginde jańbyr jaýyp, naızaǵaı oınaıdy. Eldiń batysy, soltústik-batysy men soltústiginde kúshti jaýyn-shashyn bolady, burshaq túsýi de múmkin.
«Qazgıdromet» RMK málimetinshe, tek ońtústik-shyǵys óńirlerde jaýyn-shashynsyz aptap ystyq saqtalady. Respýblıka aýmaǵynda jel kúsheıip, ońtústik-batys pen ońtústikte shańdy daýyl turýy yqtımal.
Órt qaýipi joǵary aımaqtar
Kóptegen aımaqtarda órt qaýpi joǵary deńgeıde saqtalady. Atap aıtqanda:
-
Joǵary órt qaýpi: Almaty, Abaı, Pavlodar, Jambyl, Batys Qazaqstan, Aqmola, Atyraý, Mańǵystaý, Qaraǵandy, Qostanaı, Shyǵys Qazaqstan oblystarynyń birqatar aýdandarynda tirkeledi.
-
Tótenshe órt qaýpi: Almaty, Qyzylorda, Túrkistan, Jambyl, Aqtóbe, Ulytaý, Jetisý, Atyraý, Mańǵystaý, Pavlodar, Qostanaı, Batys Qazaqstan, Qaraǵandy, Abaı, Shyǵys Qazaqstan oblystarynyń kóp bóliginde saqtalady.
Qaı aımaqtarda aptap ystyq?
Birqatar óńirde aptap ystyq ornaıdy:
-
Almaty oblysy — 35-39°S, soltústigi men batysynda — 42°S.
-
Jetisý oblysy — 35-38°S, soltústik pen ońtústiginde — 40°S.
-
Abaı oblysy — 35-37°S, soltústigi men ońtústiginde — 40°S.
-
Shyǵys Qazaqstan oblysy — 35-37°S.
-
Jambyl oblysy — 38-40°S.
-
Pavlodar oblysy — 35-38°S.
-
Qaraǵandy oblysynyń ońtústigi — 35°S.
Densaýlyqqa qaýip bar
Qyzylorda oblysynda sońǵy kúnderi kúndiz de, túnde de aptap ystyq saqtalyp tur.
Pavlodarda kún ótýdiń kóbeıgeni tirkeldi.
Astanadaǵy Respýblıkalyq bastapqy medıtsınalyq-sanıtarlyq kómek ortalyǵyna 25 adam júgingen. Dárigerlerdiń aıtýynsha, mundaı aýa raıy aǵzaǵa qosymsha kúsh túsirip, sozylmaly aýrýlardyń asqyný qaýpin arttyrady.
Aıta keteıik, «Semeı ormany» rezervatyna órtti erte anyqtaý júıesi engiziledi.
