Qazaqstanda 19 kıikke spýtnıktik moıynbaýlar taǵylady
2016 jyldyń 22 qyrkúıeginen 20 qazany aralyǵynda Qazaqstanda bıoalýandyq saqtaý qaýymdastyǵy Bıologııalyq qaýipsizdik problemalary ǵylymı-zertteý ınstıtýtymen jáne «Ohotzooprom» ÓB-men birlese Betpaqdala, Oral jáne Ústirt taralymyndaǵy kıikterdi aýlap, spýtnıktik qurylǵymen tańbalamaq.
Osy oraıda jańadan 19 spýtnıktik qurylǵyny bekitý josparlanyp otyr. Bul sharalardyń maqsaty kıikter meken etip júrgen alqaptardy tyńǵylyqty zertteýge, sondaı-aq janýarlardy qorǵaý salasyndaǵy tıimdilikti arttyrýǵa negizdelgen.
Munymen qosa, moıynbaýlardy bekitýmen qatar, kıikterdiń aýrýlaryn tereńdetip zertteý baǵytynda qan synamasy jáne bakterııalyq teýserýler júrgizýge qajetti materıaldar alynady. Osy jumystardy qoldaý úshin London ýnıversıtetiniń Koroldik veterınarlyq kolledjiniń ókili arnaıy kelmek.
Atap aıtqanda, Qazaqstanda kıikterdi spýtnıktik tańbalaý jumystary 2009 jyldan beri júrgizilýde. Osy ýaqytta barlyq úsh taralymda 103 qurylǵy ornatyldy.
Spýtnıktik moıynbaýlar 2,5 jylǵa ornatylady, osydan keıin ol janýardan avtomatty túrde aǵytylady. Aǵymdaǵy jyly Globalstar spýtnıktik júıesimen GPS Plus Collar modeliniń qurylǵylary jáne Indium júıesimen Tellus Medium Colarco apparattary paıdalanylady.