Qazaqstanda 18,5 mln tonnadan astam astyq bastyryldy

ASTANA. KAZINFORM – Búgingi tańda negizgi dándi daqyldar boıynsha 12,6 mln gektardan astam dándi jáne burshaqty daqyldar jınaldy. Ortasha ónimdiligi 14,7 ts/ga bolǵan kezde 18,5 mln tonnadan astam astyq bastyryldy. Bul týraly QR AShM baspasóz qyzmeti málim etti.

Máselen, bıdaı 9,8 mln ga alqapta jınalyp, ónimdiligi 14,1 ts/ga 13,9 mln tonna bastyryldy, arpa — 1,9 mln ga, ónimdiligi 16,6 ts/ga 3,2 mln.tonna bastyryldy, suly — 154,3 myń ga, ónimdiligi 15,9 ts/ga 245,4 myń tonna bastyryldy.

«Bıylǵy jyly maıly daqyldar 395 myń ga alqaptan jınaldy, ortasha ónimdiligi 11,7 ts/ga bolatyn 461,1 myń tonna bastyryldy. 87,8 myń gektar alqaptan 232,9 ts/ga ónimdilik kezinde shamamen 2,0 mln tonna kartop jınaldy, kókónis daqyldary 96,6 myń gektardan 248,2 ts/ga ónimdilik kezinde 2,4 mln tonnadan astam jınaldy», — delingen habarlamada.

Baqsha daqyldary 96,2 myń ga alqaptan jınaldy, ónimdiligi 262,8 ts/ga, jalpy alym 2,5 mln tonnadan asty.

Egin jınaý naýqanyna 149,9 myń traktor, 37,6 myń astyq jınaıtyn kombaın, 14,9 myń oraq jáne 195 myń birlik basqa tehnıka jumyldyryldy.

Esterińizge sala keteıik, kóktemgi egis jáne egin jınaý jumystaryn jeńildetilgen qarjylandyrý kólemi 580 mlrd.teńgeni qurady, bul ótken jyldarmen salystyrǵanda 3 ese kóp.

Egin jınaý naýqanyn ótkizýdiń barlyq máseleleri erekshe baqylaýda.