Qazaqstanda 18 tamyzda órt qaýpi joǵary óńirler ataldy

ASTANA. KAZINFORM – «Qazgıdromet» RMK málimetinshe, 2025 jylǵy 18 tamyzda Qazaqstan aýmaǵynda qaýipti meteorologııalyq qubylystar kútiledi.

Soltústik-batys tsıklony jáne sonymen baılanysty atmosferalyq fronttar eldiń barlyq aýmaǵyna áser etedi. Kóptegen óńirlerde naızaǵaı oınap, jańbyr jaýady.

Shyǵysta qatty jańbyr kútiledi, keı jerlerde burshaq jaýýy yqtımal.

- Tek respýblıkanyń batysynda jaýyn-shashynsyz aýa raıy boljanýda. Respýblıka boıynsha jeldiń kúsheıýi kútiledi, soltústik pen shyǵysta túngi jáne tańerteńgi ýaqyttarda tuman túsedi, - delingen aqparatta.

Almaty oblysynda, Jetisý oblysynyń batysy men ońtústik-shyǵysynda, Atyraý oblysynyń batysynda, Batys Qazaqstan oblysynyń ońtústik-batysynda, Qyzylorda oblysynyń ortalyǵynda, Jambyl oblysynyń ońtústigi men ortalyǵynda, Shyǵys Qazaqstan oblysynyń ońtústiginde, sondaı-aq Mańǵystaý oblysynyń ońtústik-batysynda joǵary órt qaýpi saqtalady.

Tótenshe órt qaýpi Túrkistan, Qyzylorda, Mańǵystaý oblystarynda, Batys Qazaqstan oblysynyń batysynda, Almaty oblysynyń batysy, soltústigi men shyǵysynda, Jambyl oblysynyń soltústigi, batysy men shyǵysynda, Atyraý oblysynyń ońtústigi men shyǵysynda, sondaı-aq Qostanaı, Aqtóbe, Qaraǵandy, Ulytaý jáne Abaı oblystarynyń ońtústiginde kútiledi.

Aıta keteıik, búgin Qazaqstannyń 15 oblysynda jáne Astanada daýyldy eskertý jarııalandy.