Qazaqstanda 18 myńǵa jýyq esirtkige táýeldi naýqas tirkelgen

NUR-SULTAN. QazAqparat – Qazaqstan esirtkige táýeldi adamdardy esepke qoıý olardyń kelisimimen júrgiziledi. Osy erikti sharany májbúrli sharaǵa aýystyrý máselesi qaralyp jatyr ma? Іshki ister mınıstrliginiń aqparat alańynda ótken onlaın brıfıngide BAQ ókilderi osyndaı suraq qoıdy, dep habarlaıdy QazAqparat tilshisi.

Bul suraqqa QR Іshki ister mınıstrligi Esirtki qylmysyna qarsy is-qımyl departamentiniń basqarma bastyǵy Berikhan Nurǵalıev jaýap berdi.

«Esirtkige táýeldi adamdardy esepke alý boıynsha aıtsaq, Quqyqtyq statıstıka komıtetiniń resmı derekteri boıynsha, qazir 18 myńǵa jýyq esirtkige táýeldi naýqas esepte tur. Onyń 1,5 myńy – áıelder, 62 –si jasóspirim. Narkologııalyq esepke alý tártibin ózgertý máselsi Densaýlyq saqtaý mınıstrliginiń quzyryndaǵy másele», - dedi basqarma bastyǵy.

Atalmysh sharada ol saqshylardyń jyl basynan beri esirtki saýdasymen shuǵyldanǵan 7 qylmystyq toptyń jolyn keskenin aıtty.

«Osy jyldyń 9 aıynda 1929 esirtki qylmysy anyqtaldy. Onyń ishinde 1136 esirtki ótkizý faktisi jáne 326 esirtkini asa iri kólemde saqtaý faktisi bar.

Uıymdasqan 7 qylmystyq toptyń joly kesildi. Olardyń ústinen toptardyy qurdy jáne basqardy degen kúdikpen 13 qylmystyq is qozǵaldy.

12 tonnadan astam ár-túrli esirtki quraldary alyndy, onyń ishinde 4,9 kg geroın, 9 tonnadan astam marıhýana, 376 kg gashısh jáne 107 kg sıntetıkalyq esirtki bar», - dedi basqarma bastyǵy onlaın brıfıngide.