Qazaqstanda 18 mamyrda ótetin mańyzdy sharalarǵa sholý

NUR-SULTAN

Saǵat 9.00-de Halyqaralyq qarjy ortalyǵynda I Halyqaralyq bıznes forýmy ótedi. Sharaǵa Astana HQO basqarýshysy Qaırat Kelimbetov, Mańǵystaý oblysynyń ákimi Eraly Toǵjanov, Astana ákimi Baqyt Sultanov qatysady.

Saǵat 10.00-de «Qobyz» saraıynda «Qyzdarǵa, ata-analarǵa, pedagogtarǵa arnalǵan ınternet qaýipsizdigi» atty ashyq qalalyq konferentsııa ótedi. Ata-analarǵa jasóspirim qyzdardyń jas erekshelikteri boıynsha aqparattyq materıaldar jáne qaýipsiz orta qurý boıynsha keńester beriledi.

Saǵat 11.00-de «Egemen Qazastan» gazetiniń 100 jyldyǵyna oraı QR Aqparat jáne qoǵamdyq damý mınıstri Dáýren Abaevtyń qatysýymen 100 kóshet otyrǵyzý senbiligi ótedi.

Saǵat 12.00-de «Trust» bıznes-ortalyǵynda tanymal blogerlerdiń qatysýymen jyl saıynǵy Smart Mama Day sessııasy ótedi.

Saǵat 18.00-de Ulttyq mýzeıde QR Ulttyq mýzeıiniń 5 jyldyǵyna oraı Halyqaralyq mýzeı kúnine arnalǵan «Mýzeı túni» aktsııasy ótedi.

ALMATY

Saǵat 10.00-de QazUAÝ-da O. Súleımenovtiń týǵan kúnine oraı «Oljas - beıbitshilik adamy» atty is-shara ótedi.

Saǵat 15.00-de QR Ulttyq kitaphanasynda Memleket jáne qoǵam qaıratkeri, belgili aqyn Oljas Súleımenovtiń týǵan kúnine arnalǵan shyǵarmashylyq kesh ótkiziledi.

Saǵat 16.00-de S.Seıfýllın atyndaǵy Memlekettik óner murajaıynda Á. Qasteev kórmesi ashylyp, onda «Qazaqstannyń akvareli: Keshe jáne búgin» katalogynyń tusaýkeseri ótedi.

Saǵat 18.00-de atyndaǵy Abaı atyndaǵy Memlekettik opera jáne balet teatrynda «Opera-Arnaý» atty saltanatty kontsert ótedi.

AQTÓBE

Saǵat 11.00-de «Jastar» saraıynyń konferents zalynda (Q.Jubanov atyndaǵy AÓMÝ) QR Ortalyq saılaý komıssııasy tóraǵasynyń orynbasary K.Petrovtyń tóraǵalyǵymen semınar-keńes ótedi. Oǵan Aqtóbe qalasy jáne aýdan ákimderiniń apparat basshylary, aýmaqtyq saılaý komıssııalarynyń tóraǵalary, orynbasarlary jáne hatshylary qatysady.