Qazaqstanda 18 qyrkúıekte ótetin mańyzdy sharalarǵa sholý

ASTANA

Saǵat 9:30-da «St. Regis Astana» otelinde «Birlikke barar jolda» atty Jibek jolyna qatysýshy elderdiń halyqaralyq forýmy ótedi.
Saǵat 10:00-de «Úkimet úıinde» Úkimet otyrysy bastalady.

Saǵat 14:30-da Alǵashqy medıtsınalyq-sanıtarlyq kómektiń úzdik tájirıbesi Respýblıkalyq ortalyǵynyń bazasynda «Primary Health Care» Ulttyq Qaýymdastyǵynyń» zańdy tulǵalar men jeke kásipkerler birlestiginiń ashylýy bolady. Sharada memlekettik qurylymdar men halyqaralyq uıymdardyń, kásibı úkimettik emes uıymdardyń ókilderi, aýrýhana basshylary bas qosady.

Saǵat 15:00-de Senatta Eńbek jáne halyqty áleýmettik qorǵaý mınıstriniń qatysýymen «QR-daǵy múgedekterdiń áleýmettik qorǵalýy týraly» zańdy júzege asyrý máseleleri talqylanady.

Saǵat 15:00-de Senatta ekonomıkalyq saıasat jáne ınnovatsııalyq damý komıtetiniń «Standarttaý týraly» zań jobasyn talqylaýǵa arnalǵan otyrysy bastalady.

Saǵat 16:00-de Esep komıtetiniń janyndaǵy keńesshilik-sarapshylyq keńestiń otyrysy ótedi.

Saǵat 18:30-da Qazaq KSR Halyq ártisi Bolat Aıýhanovtyń 80 jyldyǵy me Memlekettik akademııalyq bı teatrynyń 50 jyldyǵyna arnalǵan merekelik kesh ótedi.

ALMATY

Saǵat 10:00-de «Atakenttegi» 10-pavılonda «Kólik naryǵy men Logıstıka» taqyrybyndaǵy tuńǵysh Halyqaralyq konferentsııa bastalady.

Saǵat 11:00-de Interfaksta Knowledge Partners halyqaralyq bilim berý jobasyna arnalǵan baspasóz máslıhaty ótedi.

Saǵat 11:00-de Almatynyń JOO rektorlary Qazaqstan Prezıdentiniń «Joǵary bilimniń sapasy men oǵan qoljetimdilikti arttyrý, stýdent jastardyń ómir súrý jaǵdaıyn jaqsartý» bastamasyn júzege asyrý aıasynda kóshpeli keńes ótkizedi.

KÓKShETAÝ

Saǵat 15.00-de Óńirlik kommýnıkatsııalar qyzmetinde Aqmola oblysynyń jumyspen qamtýdy úılestirý jáne áleýmettik baǵdarlamalar basqarmasynyń basshysy Dına Ahmetjanovanyń qatysýymen «Memleket ekonomıkasyna beıresmı jumyspen qamtylǵan halyqty uıymdastyrylǵan is sharalarǵa jumyldyrý jáne rásimdeý josparynyń júzege asyrylýy» atty brıfıng ótedi.

QYZYLORDA

Saǵat 16:00-de Qyzylorda oblystyq óńirlik kommýnıkatsııalar qyzmetinde Jańaqorǵan aýdanynyń 90 jyldyǵyna oraı aýdan ákimi Ǵalym Ámireevtiń baspasóz máslıhaty ótedi.