Qazaqstanda 18 kolledj jabyldy

NUR-SULTAN. QazAqparat – Elimizde sońǵy jyldary 18 kolledj jabyldy. Bul týraly QR BǴM Tehnıkalyq jáne kásiptik bilim berý departamentiniń dırektory Nasymjan Ospanova málim etti, dep habarlaıdy QazAqparat tilshisi.

«Sońǵy jyldary elimiz boıynsha 18 kolledj jabyldy. Olardyń jabylý sebebi lıtsenzııamen baılanysty emes, kolledjderdi ońtaılandyrý maqsatynda osyndaı shara qoldanyldy. ıAǵnı keıbir kolledjderdiń qyzmetin qaıta qaraý kerek boldy. Negizinen bul shara jeke kolledjderge qatysty boldy», - dedi Nasymjan Ospanova OKQ-de ótken brıfıngide.

Departament basshysynyń málimdeýinshe, kolledjderde bilim berý sapasyn arttyrý maqsatynda birqatar shara iske asyryldy.

«Aldymen bilim baǵdarlamasyn ázirleýde kolledjderge akademııalyq erkindik berildi. Bilim baǵdarlamasyn zaman men naryqtyń suranysyna saı etip daıyndaý kerek. Árıne, bilim berý týraly zańnyń sheńberinde ázirlenedi. Endigi ýaqytta oqý orny jumys berýshimen, bilim berý baǵdarlamasyn naqty mamandyq pen qajetti bilim-bilikti negizge ala otyryp birlesip ázirleıdi. Sodan soń atalǵan bilim berý baǵdarlamasy saraptamadan ótip, keıin baǵdarlamalar reestrine tirkeledi», - deıdi ol.

Onyń aıtýynsha, atalǵan jańashyldyqty iske asyrý bastalyp ketti, onyń alǵashqy nátıjesi bıyl qyrkúıekte daıyn bolady.

Buǵan deıin habarlaǵanymyzdaı elimizde tehnıkalyq jáne kásiptik bilim berý baǵytynda kolledjge túskisi keletin talapkerlerge birneshe mamandyqty tańdaý múmkindigi beriledi.

Sondaı-aq, Prezıdent tapsyrmasyn oryndaý maqsatynda otandyq 282 kolledj iri bıznestiń qamqorlyǵyna beriledi .